Alessandra nangloud sa ABS-CBN?

CEBU, Philippines — Nihatag og katin-awan  si  Alessandra de Rossi sa nitumaw nga report nga  matud pa nangloud siya  sa  ABS-CBN network  pagkahuman sa seryeng  Since I Found You kung diin nakauban niya sila si  Piolo Pascual, Empoy, ug Arci Muñoz.

Matud pa sa aktres nga wala lang siya  nagdahom sa iyang role sa maong serye apan wala ra siya nangloud niini.

Matud pa niya nga ‘leading lady’  gyud ang gitanyag niya kaniadto alang sa maong serye apan  kalit lang kini nausab.

Suma pa sa mga obserbasyon sa pipila ka viewers nga tataw  nga supporting role lang ang naangkon sa aktres sa maong serye.

“Noong i-noffer siya sa ‘kin, leading lady talaga siya. I mean, kilala niyo naman ako ever since. Bago ‘yon, two years akong walang show dahil lahat tinatanggihan ko, lahat ayaw ko and finally dumating ‘yung role na gusto ko kasi leading lady e, parang bago ‘to, i-try nga natin,” saysay pa ni Alessandra.

Giklaro hinuon niya nga dili gyud kini malikayan nga mahitabo kini sa usa ka artista apan iyang gitataw nga wala gyud siya nangloud.

Hindi ako nagtatampo. Kasi sinasabi ko nga, hindi siya first time na nangyari sa artista, nangyayari siya talaga. I’m just here to explain my side... Tao lang ako. Pinaasa ako, so yes masama ang loob ko noong time na ‘yun,” matud pa ni Alessandra.

Suportado ang cargel

Bugtog komento ni Derek Ramsey sa iyang kanhi karelasyon nga si Angelica Panganiban nga unta tinud-anay ang taho nga nagbalik na kini ngadto kang Carlo Aquino. Matud pa ni Derek nga kaila siya ni Carlo gumikan kay mobisita kini kaniadto sa balay ni Angelica niadtong uyab pa sila sa aktres.

Na-offend sa pangutana

Gitug-an ni Boy Abunda nga na-offend siya sa pangutana ni Vice Ganda kabahin sa iyang sex life. Gipangutana ni Vice si Boy kung nakasuway ba kini nga makiglambigit og babaye. Tubag ni Boy ngadto kang Vice, “Susmaryosep naman Vice, wag ka namang ganyan. Na-offend ako dun, parang hindi naman tamang itanong yan”.

Marcelito gipakpakan

Nakadawat og standing ovation ang singer nga si Marcelito Pomoy atol sa iyang paglugwa sa The Ellen de Generes Show didto sa Amerika. Gipakpakan sa international crowd and performance ni Marcelito kung diit giawit niya ang  “The Prayer”. Bugtong komento sa host sa maong show nga si Ellen DeGeneres nga “unbelievable” matud pa ang performance ni Marcelito.

Mobalik og arte

Mobalik sa pag-arte sa big screen ang volleyball player nga si Jon Vic De Guzman. Nalakip si  Jon sa suspense thriller movie nga “Class of 2018”. Kahinumdoman nga nakalugwa na si  Jon  kaniadto sa horror film nga “Seklusyon” niadtong 2016. Sa dihang nipahuway siya sa pag-arte,  naka-focus si Jon sa iyang pag-eskwela ug sa pagduwa og volleyball.

Dream career

Gisaysay sa Kapamilya teen actor nga si CJ Navato nga gusto niya nga mahimong usa ka chef. Matud pa niya nga duha ka tuig gyud siya nga nagtoon og luto. “I really love cooking. Actually I’m studying culinary arts ngayon. I like working in the kitchen”, suma pa ni CJ.

Vacation house

Tulo ka tuig  nga gipangandaman sa  Kapuso star  nga si Kris Bernal ang iyang vacation house sa   California, U.S.A. “I started dreaming a house in the US about three years ago when my sister left for the States. Masarap din siguro may own house sa U.S. para I can go there anytime I want”, suma pa ni Kris.

Urumon

Tsika pa sa aktor nga si Tony Labrusca nga dili gyud masabtan ang iyang mga kasinatian sa bag-o niya nga gipuy-an nga balay. Matud pa niya nga sukad nga mipuyo na siya niini, aduna na siya’y masinati nga wala niya masinati kaniadto sama sa mga damgo nga halos dili na siya hapit nga makaginhawa.

Mogawas sa Netflix

Pipila sa  blockbuster Pinoy movies ang molugwa sugod karong buwana sa NetFlix. Lakip na niini ang historical biopic movie ni Jerrold Tarog nga “Heneral Luna”. Ang action movie ni Erik Matti nga “Buy Bust” ug ang romantic-comedy movie nga “Kita Kita” mao sab ang mapasalida sa umaabot nga mga adlaw.

Gisuwerte

Gisuwerte gyud karong panahona ang kanhi Pinoy Big Brother housemate nga si Cora Waddell gumikan kay human siya nga naminyo sa iyang partner, aduna na sab siya’y paabuton nga liwat sa  iyang bana. Dugang pa, mogawas na sab sa mga sinehan karong Nobyembre 21 ang iyang gibidahan nga pelikula nga “Recipe for Love”. Makauban niya niini ang inila nga aktor nga si Christian Bables.