Dili Pabor

Dili pabor si Reina Hispanoamericana Teresita Ssen "Winwyn" Marquez nga adunay transwomen nga mosalmot sa Miss Universe pageant."I have nothing against transgenders. I'm really proud na sobrang happy, out na talaga, and everyone is respecting them, di ba? Pero Miss Universe per se, sana ibigay na lang sa natural-born women”, suma pa ni Winwyn.

Higala ra Gyud

Sa Premiere night sa pelikula nga “I Love You, Hater, kauban ni Kris Aquino nga nitambong sa maong kalihokan  ang abogado nga si Gideon Pena. Daghan ang nakamatikod nga anggid lang ang ilang gisul-ob nga sanina. Gitataw ni Kris nga higala ra gyud ang ilang pagtratar sa usa’g usa. "He's not my date. He's just my friend”, pagklaro ni Kris.

Film Icon Award

Napasidunggan atol sa Entertainment Editors Awards o The EDDYs ng Society of Philippine Entertainment Editors (SPEED) ang mga dagkong  artista sa industriya nga sila si Maricel Soriano, Charo Santos, Eddie Garcia, Nora Aunor, Susan Roces, ug Gloria Romero. Ang mga inila nga mga artista nakadawat sa Film Icon Awards.

Pagpamatuod ni Anne

Gipamatud-an ni Anne Curtis-Heussaff nga mahimong mobida ang mga kababayenhan sa mga action movie. Si Anne ang bida sa action film nga BuyBust nga ubos sa direksyon ni Erik Matti. Matud pa ni Anne nga “ buwis-buhay”  gyud ang matag eksena nga iyang gihimo ug wala gyud masantop sa iyang hunahuna nga mo-give up tungod kay gusto niya barugan ang iyang panaad nga mahimo sab sa mga babaye ang mahimo sa mga lalaki kung maghisgot og  action scenes.

Gitabangan ni Karla

Todo  ang pagpasalamat ni DJ Jhai Ho ngadto kang Karla Estrada gumikan kay wala gyud kini magduha-duha sa pagpahuwam ngadto kaniya og dakong kantidad aron maka-down og balay. Matud pa ni Jhai Ho nga sa makausang higayon lang siya mihangyo kang Karla nga manghuwam og kwarta apan wala gyud siya balibari niini.

Paryente si Elisse

Bag-ohay lang gyud nahibaw-an ni Joao Constancia nga paryente ra niya ang kanhi PBB Housemate nga si Elisse Joson. Tsika pa ni Joao nga nahibaw-an kini niya tungod sa iyang apohan nga mipahibalo kaniya human nga makakita sa trailer niini sa “Wansapanataym” nga Officially Yours.

Kalmadong Tubag

Kalmado nga gitubag ni Regine Velasquez-Alcasid ang usa ka netizen nga mihimo gyud og isyu kabahin sa iyang pagpakasal ni Ogie Alcasid. Matud pa sa netizen nga dako man ang pagmahal ni Regine ngadto sa Ginoo apan wala gihapon niini tumana ang balaod sa Diyos nga dili makigminyo og tawo nga buwag sa bana. Sa pagtubag ni Regine, gipamulong lamang niya nga “it’s because I’m a sinner, but my GOD is so much bigger than my sins. I asked for forgiveness and I have accepted Jesus as my personal saviour. God Bless you”.

Nahimamat

Dili gyud matago ni Vickie Rushton ang iyang pagka-emosyonal sa dihang nahimamat niya sa unang higayon ang kabanay sa iyang amahan nga naa sa United Kingdom. Matawag ni Vickie nga “answered prayer”  gyud kini.  Mapasalamaton sab si Vickie nga miuban ug misuporta ang iyang boyfriend nga si Jason Abalos.

Gi-Dengue

Nalandig sa tambalanan ang Eat Bulaga child star nga si Bae-by Baste sa miaging adlaw. Matud pa nga gi-dengue ang  child star. Padayon ang pagpaalim karon ni  Baste.

Utang kabubut-on

Nahimong mini reunion ang nahitabong GMA thanksgiving party sa Wowowin sa dihang nahimong guest host si Super Tekla sa usa ka segment. Atol sa iyang pagbisita sa show, gipadayag niya nga dako gyud ang iyang utang kabubut-on ngadto kang Willie Revillame.  “Syempre lahat ay utang namin kay Kuya. Without him, wala siguro kami. Kumbaga dahil kay Kuya, kung nasaan kami ngayon, inaani na namin ngayon yun”, saysay pa ni Tekla.