Tekla, luyo sa kamera

CEBU, Philippines – “If you’re a real comedienne, mogawas lang gyud na siya naturally. Bisan og dili lang gyud na nimo siya nga hunahunaon, pagdating sa situation, it comes naturally”, pag-ambit pa sa 36- anyos nga komedyante nga si Super Tekla.

Si Super Tekla, kinsa nagpahipi luyo sa ngalan nga Romeo Librada, mipaambit  nga sa trabaho lang kini niya nabuhat bisan og maingon nga natural lang ang paghatag og kalingawan sa telebisyon.

Suma pa niya nga sa tinuod nga kinabuhi, lahi gyud ang iyang tinuod nga personalidad kon siya lang usa ug kun anaa na sab siya nga mag-atubang sa kadaghanan.

"Seryoso gyud ko nga pagkatawo. Sa trabaho ra gyud ko nga mapagawas nako akong pagkomedya kay ganahan man ko nga malingaw sab ang mga tawo sa akoa pero kun ako ra usa, ganahan lang gyud ko og hilom kasi marami rin akong iniisip", siya nagkanayun.

Bisan pa man og seryoso siya nga pagkatawo ug mohatag siya og pakatawa ngadto sa uban, matud pa ni Tekla nga gilugar lang gyud niya ang insakto niya nga mood aron dili mabulilyaso ang iyang trabaho.

“Kailangan ko din i-separate yung personal life ko at yung work ko kasi mas lalo akong mapipikon ‘pag wala na akong trabaho”, suma pa ni Tekla.

Dugang pa ni Tekla nga siya ang klase sa tawo nga dali sab nga mairita mao nga kanunay lang gyud siya nga magpakahilom sa daplin.

“Pagkatapos sa akong eksena, gusto ko lang na magpahinga, ayoko nang maingay kasi gitun-an sab nako akong mga eksena. As a beginner, gusto ko nga ma-deliver nako og sakto”, saysay pa ni Tekla.

Gitug-an ni Tekla nga dili gyud siya ang klase sa tawo nga makauyon og script tungod kay sa kanunay niya nga pagbasa, wala gyu’y masulod sa iyang utok mao nga kuhaon na lamang niya ang emosyon niini ug sundon na lamang niya ang kun unsa ang ipabuhat sa direktor ngadto kaniya.

Gipadayag sab ni Tekla nga ang pag-angkon niya og karakter sa seryeng  Inday Will Always Love You mao ang usa sa mga dagkong milagro nga miabot sa iyang kinabuhi.

Una nga natangtang  si Tekla sa game show nga Wowowin   tungod sa mga ginagmay nga kakulian apan wala niya damha nga buotan gyud ang Ginoo ngadto kaniya ug nahatagan siya og laing proyekto sa GMA-7

“Wala ko nagdahom nga maabot ko sa ingon niini nga punto. Wala ko magdahom kay siyempre nasa probinsya ako ug wala kaayo ko nabagay anang sa pag-artista. Sa una, ginakolekta ko lang na ang mga litrato sa akong mga idolo nga mga artista. Karon, mura gihapon og damgo nga usa nako sa mga ka-eksena nila. Proud kaayo ko pero wala gyud nako siya gi-expect gyud”, pagsaysay pa ni Tekla.

Sa maong serye lang maingon ni Tekla nga usa na gyud siya ka artista tungod kay sa una, extra lamang siya apan karon aduna na gyud siya’y giangkon nga karakter nga masubay na sa mga tawo nga misuporta kaniya.

“Ano man lang ko sa una, tig-go with the flow ra. Karon kay naa gyud koy akong madawat nga script, naa nay tig-alalay para moayos sa imoha ug kanang naa naka’y hunahunaon nga call time. Like, Oh My God, this is it!” padayag niya.

Walay matawag nga mentor si Tekla sa pag-arte. Matud pa niya nga basehan lamang niya ang iyang mga kaagi kaniadto.

“Ang ako man gud pag-acting kay na-accumulate lang nako through my experience sa kinabuhi. Pero yung mabigat nga acting scene, di ko pa yun na-e-encounter. So yung mga small knowledge ko lang, na-iaaply ko siya dahil din sa nag-comedy bar ako before ko nag-artista”, suma pa niya.

Tungod kay wala man siya makaagi og insakto nga workshop sama sa uban, giangkon niya nga naglisod siya sa iyang pagdala sa karakter sa maong serye.

“Lahi ra ba ang mag-act nga dili tinuod. Siguro, I have to act like a gay. Dili lang ko hilom nga gay pero very loud gyud ba. Very loud gyud siya so I have to portray like unsa ang gusto nga ipagampanan na karakter ni direk sa akoa”, suma pa niya.