Career ang prayoridad

CEBU, Philippines - Gipadayag ni Gretchen Ho nga  gusto siya nga mag-enjoy og maayo sa iyang career busa wala pa gyud masulod sa iyang hunahuna nga  magminyo. Suma pa niya nga nagkalig-on ang relasyon nila ni Robi Domingo ug wala gyud nila mahisgoti ang kalabot sa kasal.

Heart suportado ni Kim

Usa sa nisuporta sa latest art exhibit ni Heart Evangelista mao ang  iyang higala nga si Kim Chiu. Nipalit si Kim og usa ka painting ni Heart. Nasayran nga suod nga managhigala ang duha, gani usa si Kim sa mga bisita sa kasal nila ni Heart ug Sen. Chiz Escudero sa miaging tuig.

Milutaw ang kaanyag

Giangkon ni Gerald Anderson nga lahi ra gyud ang kaanyag ni Arci Munoz. Ang duha nagpares sa post-Valentine movie sa Star Cinema nga “Always Be My Maybe.” “Standout beauty talaga. Yung ganda niya ay ‘yung parang maiilang ka o mahihiya ka,” nagkanayon si Gerald ngadto sa ABS-CBN News.

Moymoy Palaboy nagminyo

Nagpakasal sa miaging adlaw sila si James Macasero o Moymoy Palaboy ug ang iyang non-showbiz girlfriend nga si Diane. Sila si Regine Velasquez ug Ogie Alcasid maoy pipila sa ilang principal sponsors.

Ella isip Avah Maldita

Si Ella Cruz maoy napilian TV5 alang sa Wattpad Presents  Avah Maldita. Mapasalamaton ang aktres sa maong network gumikan kay nagsagunson gyud ang iyang mga proyekto.

Manamilit

Sa ikaduhang Sabado karong buwana matud pa ang last episode sa Walang Tulugan with the Master Showman sa GMA-7.  Wala pa mohatag og detalye ang maong istasyon kung unsa ang mahitabo sa mga alaga ni anhing German Moreno.

Mo-focus sa  TV

Tsika pa ni Eugene Domingo nga wala siya’y upcoming nga movie project busa maka-focus siya sa iyang bag-ong TV show sa GMA-7 nga Dear Uge. Kahinumduman nga natagam si Eugene sa dihang na-flop kaniadto ang iyang pelikula nga Barber’s Tales.

Ejay duna’y upcoming movie

Gikumpirmar ni Ejay Falcon nga duna siya’y umaabot nga pelikula kung diin makauban niya sila Joseph Marco ug Jake Cuenca nga  co-stars niya sa  hit series nga  “Pasion de Amor” .”May nilulutong movie sa aming tatlo pero binabasa pa nila ‘yung script,” tsika pa sa aktor ngadto sa  ABS-CBN News.

Gloc-9 mibalik sa Star Music

Human sa napu ka tuig, mibalik na si Gloc-9 sa nataran sa Star Music  ug nipirma na siya og kontrata sa maong recording outfit sa miaging adlaw.  Usa sa gi-promote karon ni Gloc-9 mao ang awit niya nga  Pareho Tayo.

Andi nahimong kataw-anan

Gibugalbugalan si Andi Andi Eigenmann sa netizens gumikan kay matud pa wala’y klaro sa iyang mga baruganan kung mosulod og relasyon. Makadaghan na nga higayon nga magsige kini og padungog-dungog  sa social media kung mag-away sila ni Jake apan mag-uli ra usab dayon. Ang duha nasigpatan nga nag-uban og panuroy sa laing nasud.  Nakit-an usab ang duha nga nitikang sa Carcar City, Cebu sa miaging adlaw

Gipistahan sa FB Version  ni Yeng sa  “Love Yourself”

Nahimong  viral  ang  cover video ni  Yeng Constantino sa awit ni  Justin Bieber nga “Love Yourself”   ug nakaangkon dayon  kini og  kapin sa 1 million views human kini gi-upload sa miaging semana.

“Woah! Maraming salamat sa mga nakinig at nanood nito,” suma pa ni Yeng.

Nasayran nga puwerting sikata sa maong awit  ug kanunay kini nga nag-una  sa music chart.

Ubay-ubay nang mga personalidad ang nihimo og cover sa “Love Yourself”   ug usa na niini ang laing Kapamilya star nga si Kristel Fulgar nikanta  sa maong awit nga nagmaneho sa iyang sakyanan busa nahimo usab kini nga viral. (Sanden J. Anadia)

Regine balik sa teleserye

Si Regine Velasquez maoy bida sa upcoming romantic-comedy series  sa GMA-7 nga   Poor Señorita.

Makauban sa Asia’s Songbird sila si   Snooky Serna , Queen of Soul Jaya, Sheena Halili, Jillian Ward, Miggs Cuaderno, Zymic Jaranilla, Ervic Vijandre ug mga runner-up sa   Starstruck 6 nga sila si  Ayra Mariano ug  Elyson de Dios.

Si  Dominic Zapata maoy direktor niini ug mao kini ang pagbalik ni  Regine sa teleserye  sukad sa iyang I Heart You Pare  niadtong  2011.

Kahinumduman nga malakip unta siya sa TV remake sa Let The Love Begin sa miaging tuig kung diin siya ang modala isip inahan ni  Ruru Madrid apan iya kining gibalibaran gumikan kay mo-focus siya sa iyang pamilya. Ang Poor Señorita. gikatahong sugdan  sunod buwan.  

Fil-Am sa “Ellen’s Dance Off”

Ang Filipino-American nga si Samuel “Sam” Picart maoy nakadaug sa   dance competition nga gipasiugdahan sa American comedian- talk show host nga si  Ellen DeGeneres.

Unang gisugdan ni Ellen pinaagi sa iyang programa ang maong kompetisyon niadtong Disyembre sa miaging tuig ug gitawag niya kini og “Ellen’s Dance Off.

Sa maong kompetisyon giawhag ni Ellen ang iyang fans nga mo-submit og dance video ug gihimo dayon ang botasyon pinaagi sa ilang mobile application.

Suma pa sa tinubdan sa www.interaksyon.com nga taga Baguio City ang amahan ni Sam ug  Chinese-Filipina ang iyang lola. (BANAT NEWS)