Banaun Festival 2015

Merry Sunday BisChika mga SKB! Kumusta ang inyong Simbang Gabi? Maayo pa mo nga wala moy paltos ako kay best in absent . Pero bisan pa man  niana akong kumonikasyon sa Ginoo kay abli 24/7. Dunay mga panahon nga nag-atubang ko’g mga problema pero wala ko ni give up kay kahibalo ko nga naa SIYA para kanako. Amen! 

Sa laing BisChika! Malampuson ug mabulukon ang bag-o lang nahuman nga Banauan Festival sa Guadalupe,Cebu. Ang maong dapit, gitawag og Banaun (banawan) kay kun mouwan, mobanaw man ang tubig gikan sa sapa, unya magbaha. Dihang mihatag sa iyang milagro ang Mahal nga Birhen sa Guadalupe sa maong balangay (barangay) giilisan kini sa pangalan nga Ang Balangay sa Guadalupe nga hangtud karon maoy ngalan sa dapit…...Barangay Guadalupe nga gikuha sa ngalan sa Mahal nga Birhen sa Guadalupe. Adunay pito ka Sitio:  Gun Club Banawa, Pundok Englisanon Dance Company, Zone 1 Singson, Zone 5 San Jorge, Poblacion, Sapangdaku ug Laya.

Ang maong mga sityo ang nagtigi sa  Banauan Festival Showdown, niadtong nilabay nga semana nga gisugdan pinaagi sa street dancing sa kadalanan sa barangay ug gisundan sa showdown.

Ang nigawas nga kampeyon karung tuiga kay ang Pundok Englisanon nga mao usab ang nakadaug sa Best in Andas. Ang ilang story concept karung tuiga nagpakita sa nahitabong trahedya niadtong early 1990’s kung diin mitakboy ang sakit nga cholera, unya daghan ang nangamatay. Kung ikaw usa sa mga nisaksi sa festival manlimbalot ang imong balahibo! Best in dramatization kaayo!

 Sa tinuod lang, upat na ka tuig ang Banauan festival pero ang 2013 kay halad lang kini ug walay contest nga nahitabo gumikan sa paghampak sa bagyong Yolanda .

Sa akong pagBisChika sa amahan sa barangay nga si Hon. Michael Gacasan dako kaayo ang iyang kalipay sa malapusong Banuan Festival. Niya pa,  “expect Bigger, Better, Brighter Banuan Festival next year!“