Got To Believe: Ipasalida sa Kazakhstan

CEBU, Philippines - Ipasalida na didto sa Kazakhstan sugod karong Lunes, August 10 ang serye nila ni Kathryn Bernardo ug Daniel Padilla nga Got To Believe. Kahinumduman nga gisalida ang maong serye sa ABS-CBN niadtong 2013.

Mao kini ang ikatulong serye sa Kapamilya Network nga gi-dub sa Kazakh nga maoy pinulongan sa maong dapit.

Laing serye nga gipasalida sa maong nasud mao ang Forevermore nila ni Liza Soberano ug Enrique Gil ug Dream Dad nga gibidahan nila ni Zanjoe Marudo ug Janna Agoncillo. (Sanden J. Anadia)