Gasa sa kahitas-an

CEBU, Philippines - Ang musika makatabang sa pagpagaan sa gibati  busa  makapawala usab  kini sa kalaay .

Mao kini ang paghulagway sa  maayong composer ug mang-aawit nga  Sugbuanon nga si Cerj Michael.

Mikisaw og samot ang pangalan ni Cerj sa Cebu music industry karong tuiga human ang ginama niya nga awit nga Salamat Na Lang maoy grand prize winner sa ballad category sa 35th Cebu Pop Music Festival, diin siya usab ang nihatag og kinabuhi niini.

“Magpasalamat ko sa The Cebu Pop Foundation, sa akong lyricist nga si Andro Banate, musical arranger Nendel Endrina, saxophonist Nestor Royze Liston, back- up vocals nga silang Philipp Mancol ug Alden Asehan, akong boss Mayor Che Toribio-Delos Reyes, akong manager JR Ostia, my great supporters, ang akong family, relatives and friends and to Dr. Ian Fruto Teodorico for curing me of my laryngitis and to God Almighty for healing me and for giving me this gift. To You be the Glory Lord!,” saysay pa ni Cerj.

Gipadayag ni Cerj nga bata pa lang siya , mahiligon na gyud siya sa pagkanta  ug nabuhong usab og samot ang pagpaminaw niya  og musika human siya nahimong disc jockey sa 95.5 Star FM gikan sa 1999  hangtud  2001.

Sa mga kalamposan nga naangkon sa iyang kinabuhi, dili gyud niya malimtan ang Kahitas-an gumikan kay mao kini ang naghatag kaniya sa iyang talent.

Kanunay nga ipaambit ni Cerj ang iyang talento sa mga nagkadaiyang kalihukan sa Parokya sa Mahal nga Birhen sa Guadalupe.

Nag-andam na pud siya sa dugang mga komposisyon alang sa umaabot nga Sugat sa Guadalupe nga ubos sa direksyon ni Aljin Abaquita.

Suma pa ni Cerj nga kinahanglan nga mogahin gyud siya og oras sa mga kalihukan sa simbahan isip sukli sa nadawat niya nga talent gikan sa Ginoo.

Aktibo usab si Cerj sa pag-perform sa tinuig nga Marian Song Festival isip iyang halad ngadto  kang Mama Mary.

Q and A

BNH: Pila imong edad nga nagsugod ka og apil sa mga contest?

Cerj:  Nakalimot ko  sa edad, pero naka-remember ko  Grade 5 ko ato, nirepresent ko sa Region XI sa NAMCYA(National Music Competition for Young Artists) as solo male competitor for elementary division. Gawas sa  NAMCY,  laing national competitions nga ako naapilan sama sa , “Star For A Night” sa IBC13 batch ni Sarah, weekly finalist ko,  unya  nasulod ko sa Top20 sa “Philippine Idol” sa ABC5.

BNH:  Human sa Cebu Pop ,  unsa ang sunod nimo nga target?

Cerj:  Puhon,puhon, posibleng moapil na pud ko og mga  songwriting contest didto sa Manila.

BNH:  Mga challenges nga imong naagian sa pagsalmot nimo sa Cebu Pop?

Cerj:  Last minute o 11th hour gyud usually mogana ako creative juice so as in suspense kaayo og mahimoan ba nako’g tono ang sinuwat sa ako lyricist nga si Andro Banate sa dySS. In fact, kami juy kinalasan nag pass sa entry so wa mi mag expect nga mada mi isip finalist gikan sa kapin sa 100 nga mga ni-submit.

BNH:  Kinsa ang imong inspirasyon sa paggama nimo sa Salamat Na Lang? Nganong kini  nga tema ang imong gipili?

Cerj:  Uso man sa TV, movies and even on FB ang maong tema sa relasyon maong kana ako nahunahunaan but, #relatemuch pud jud kos akong kanta. Bang!  Istorya kini sa kanhi magkahigugmaay kung diin dunay usa kanila ang gusto nga makigbalik apan ulahi na ang tanan.

BNH:  Unsa imong sereto sa kanindot sa imong tingog?

Cerge:  Dili ko smoker, mopahuway og sakto as in 8 hours or more, unya kanta-kanta  kada ligo . Kana pud inig- CR  kay nindot kay na nga place nga kanta-kantahan kay lanog og madungog gyud nimo og tarong ang imong tingog ug dili ko mokanta og songs nga taas ra kaayo sa akong range.

BNH: Gawas sa pagkanta ug pag-compose og awit , unsa pa ang lain nimo nga mga talento?

Cerge: I host weddings, birthdays, fiestas,  ug corporate events .Nasuwayan na pud nako ang mopakatawa kay nakatrabaho ko sa una sa mga comedy bar sama sa Spotlite Music Bar ug  22nd St. Comedy Bar  sa Mango Ave, Mad Comedy Resto  sa Mandaue City, Metro Manila Club  ,  Kanto Bar ,  ug  Borcay Filipino Night Club sa Dubai, U.A.E. I also direct musical events and concerts

BNH: Kung mahatagan ka og tsansa nga mahinabi ang usa ka banggitan nga singer sa nasud , unsa ang gusto nimo ipangutana kaniya?

Cerj:  Na- interview na nako si Lani, Regine, Jaya ug Ogie. Sila si  Sharon Cuneta, Martin Nieverra , Lea Salonga ug Gary Valenciano kay  wala pa ,  kung makaatubang ko sa bisan kinsa kanila , mao kini ang akong ipangutana, “Unsay sekreto nimo nganong nidugay man mo sa showbiz  ug   can I have a duet with you? tua ra!

BNH: Adunay mga  musical variety show sa telebisyon , nga pakantahon nila ang mga artista bisan dili kaayo nindot og tingog, unsa imong ikasulti ana?

Cerj:  Actually, sa panahon pa lang sa Vilma In Person, GMA Supershow, That’s Entertainment, etc. and I’m quite sure even before that, mag lip-sync pa man gani ang artista unya yabag japon. But the celebrities owe it to their fans to be multi talented, di lang sa pag act o pagsayaw. So I guess ok ra na. Hinuon di jud ma please tanan. Well, there is always remote control to switch channel or to turn off your TV , right? Hehehe

BNH:  Unsa imong tambag sa mga tawo nga ganahan mapareha kanimo?

Cerj:  Feel it.  Dili pwede i-fake ang usa ka kanta. Sama sa akong experience. Lahi ra ang dating sa kanta kung ibutang nimo imong kaugalingon sa lyrics ug himuon nimong imohang mga pulong or i-relate nimo sa imong own experience. And always be thankful and grateful for this God-given talent. Way maayong laki kung way grasya gikan sa Kahitas-an.

BNH:  Unsa ang imong upcoming events?

Cerj:  Naa koy mga Valentine show  entitled “Salamat sa Gugma Mo” ug at the  same time kay  thanksgiving concert ko ni sa pagdaug sa Cebu Pop . Mahitabo kini karong  February 13 sa Gaisano Capital South 4-5:30pm, February 14 sa Gaisano Capital SRP 4-5:30pm ug sa Gaisano Capital Casuntingan 5-6:30pm.