“I’m alone and having fun” – Ruffa

Nagkahiwalay sina Ruffa Gutierrez at Herbert Bautista noong isang taon.

Ngayon ay walang karelasyon ang aktres kaya napag-uusapan ng mga magulang na sina Annabelle Rama at Eddie Gutierrez ang tungkol sa buhay-pag-ibig ni Ruffa. “Ngayon ako ang pinagtsitsismisan nila, ni Daddy at home. Because they’re old na and they’re together all the time. Sinasabi nila, ‘Sino kaya mapapangasawa ni Ruffa one day?’ Now they’re really wondering who I’m gonna end up with. Kasi ang tagal ko nang walang jowa. I’m free as a bird. I’m single, I’m not dating. Ang dami kong textmates, ang daming nagpapakilig sa akin,” natatawang kwento sa amin ni Ruffa sa Fast Talk with Boy Abunda.

Kahit matagal nang hiwalay ay nanatili naman ang pagiging magkaibigan nina Ruffa at Herbert. “We’re still friends, we communicate regularly. Kung may advice akong kailangan, kinakausap ko pa rin siya. Minsan tumatawag din siya sa akin. But I’ve not seen him face to face since we broke up last year,” pagtatapat ng aktres.

Ayon kay Ruffa ay maraming magandang naidulot sa kanyang buhay mula nang maging nobyo si Herbert ilang taon na ang nakalilipas. “He encouraged me to go back to school. Nag-college ako, nag-masters ako dahil sa kanya. I think more than that, we have a solid friendship. Ang importante magkaibigan kami. We talk pero in terms of having a relationship, ang puso ko, I’m single right now,” giit niya.

Maraming umasang magkakatuluyan ang dating magkasintahan. Para kay Ruffa ay talagang mayroong mga pangyayaring hindi maiiwasan. “It didn’t work because there were things beyond our control, I guess made him go through a different fate and ako rin. Gano’n lang, not all story books are meant to last forever. Sometimes you just enjoy that chapter then you close the book and move on,” makahulugang pahayag ni Ruffa.

Limampu’t dalawang taong gulang na ngayon ang aktres. Kuntento at naniniwala si Ruffa na hindi na mahalaga ang lalaki sa kanyang buhay ngayon. “Hindi mahalaga, I’m actually very picky right now. At kung may ini-entertain man ako espesyal na ‘yung taong ‘yon para sa akin because I’m happy on my own. I think that’s the most important. As we get older, we become more picky. I love being alone and if doesn’t fit, my idea of what I want in life I don’t wanna change for that person. Importante ‘yung connection.

“I’m alone and having fun ah, not naman a manang ah, grabe, hello there sa lahat ng mga textmates. I mean I have a very youthful fun personality. But I just wanna take my time because I was in a very, very long relationship for many, many years. So I just wanna be single for now. That’s my personal choice until next year,” paliwanag ng aktres. — Reports from JCC