Jackie nangasaba og fan!

CEBU, Philippines - Dali kaayong nikatap karon sa nagkadaiyang social media sites ang video ni Kapuso actress Jackie Rice nga nangasaba ug naningka og usa ka fan.

Ang istorya mao nga, nag-pictorial si Jackie niadtong tungora sa usa ka publikong lugar, dihang nakit-an siya sa fan, kinsa wala maghunahuna nga hayan makabalda siya sa trabaho sa nahisgutan.

Suma pa nga gumikan sa iyang kalipay nga nakita ang iyang idolo niadtong tungora, diretso kini  og paduol kang Jackie aron mas maklaro pa ang dagway sa aktres ug sa samang higayon maila-ila.

Apan gikasab-an ni Jackie ang fan ug trending ang maong video karon.

Hinuon nasayran nga usa lamang diay ka ”social experiment” ang nahitabo, nga gipasiugdahan ug isalida sa Wish Ko Lang! sa GMA7 karong hapon, human sa Tales of Horror.

Tumong matud pa sa maong experiment nga madukomento unsay mamahimong reaksyon sa publiko kun makakita sila og susamang eksena.

Ipakita sab sa Wish Ko Lang! ang pagtabang ni Asia’s Songbird Regine Velasquez-Alcasid sa karon masakiton nga si Eva Castillo nga naila isip ” ang babaeng nakatalo kay Regine Velasquez.”