Ms. Cebu City ang Best in Swimsuit!

CEBU, Philippines -  Ang pambato sa Cebu City nga si Eva Psychee Patalinghug ang nakalangkat sa pasidungog nga Best in Swimsuit sa nagpadayon nga pre-pageant activities sa Mutya ng Pilipinas 2014. Ang swimsuit competition gipahigayon didto sa Coron, Palawan niadtong Miyerkules sa gabii. Si Patalinghug napili nga 2014 Miss Cebu 1st Runner-up niadtong Enero. Nahimo usab siya nga 2013 Miss Mandaue 2nd Runner-up. Sakop siya sa Models Association of Cebu (MAC) ug gibaid sa inilang make-up artist sa Sugbo nga si Jonas Borces. Ang Mutya ng Pilipinas coronation night karong August 8.