Cebu City balwarte sa mga Rayna!
CEBU, Philippines - Ang representante na usab sa Cebu City nga si Vanessa Mae Walters maoy napili nga Miss Teen Earth Philippines 2014 nga gipahigayon sa miaging gabii sa SM Mall of Asia Arena.
Sakop si Vanessa sa Models' Association of Cebu ug kasamtangan kini nga nagtungha sa B. R. I. G. H. T. Academy. Ang 14-anyos nga si Walters, adunay gitas-on nga 5'8 ug naggikan sa Adelaide, Australia.
Usa sa tumong sa maong indigay mao ang pag-promote sa adbokasiya partikular na sa pagprotektar sa kalikupan.
Ang Cebu City ang labing bulahan karong tuiga sa indigay sa kaanyag sa tibuok Pilipinas. Kini kay ang tanang representante niini puros nagmadaugon sa ilang gisalmutan nga indigay. Nahimong Reyna ng Aliwan 2014 si Steffi Aberasturi, Binibining Pilipinas Intercontinental 2014 si Kris Janson, Miss Philippines Earth 2014 si Jamie Herrell, ug Mrs. Philippines Globe Dr. Stephanie Tiro Sitoy.
- Latest
