Jen naka-move on na

CEBU, Philippines - Giklaro ni Jennylyn Mercado nga naka-move on na siya busa dili na siya maapektohan kung makadungog sa love story nila ni Angel Locsin.  "Yung pain na nadama ko noon sa paghihiwalay namin ay napalitan ng happiness. Naka-move on na ako," matud pa ni Jen.

Ipuli sa Galema

Ibutang sa pang-hapon nga timeslot ang umaabot nga serye ni Meg Imperial sa ABS-CBN nga Moon of Desire. Mao kini ang ihulip sa programang Galema ni Andi Eigenmann.

Pinoy Explorer manamilit

Ugma na sa gabii ang final episode sa Pinoy Explorer sa TV5 . Suma pa sa host niini nga si Aga Mulach nga seguradong mingawon gyud siya sa maong programa.

Jessica mawili sa nasud

Nagsagunson na ang pagtikang ni Jessica Sanchez sa Pilipinas gumikan kay mawili gyud kini sa nasud. Motikang sa nasud ang singer karong Domingo gumikan kay usa siya sa pinasidunggan nga dinapit sa usa ka anibersaryo sa usa ka resort/casino didto sa kaulohan.Human sa maong kalihukan, pangitaan gyud og paagi ni Jessica makasuroy sa mga nindot nga dapit sa nasud.

Producer mitingog

Mo- submit pud og reply-affidavit ang event organizer nga nag-imbitar kang Vhong Navarro sa show ni Vice Ganda sa Kawit, Cavite niadtong April 24, 2010. Motestigo gyud ang maong producer nga si Moises Manio pabor kang Vhong ug isalikway niini ang pasangil ni Roxanne Cabañero nga matud pa gilugos siya sa TV host sa nahisgutang petsa.

Mibaga ang nawong

Nawala ang pagkamauwawon sa uyab ni Yeng Constantino nga si  Victor Asuncion gumikan sa sagunson nga pag-interview kaniya kalabot sa planong pagpakasal nila sa singer.

Best man

   Gisaaran na ni Aiza Seguerra ug Liza Diño ang higala nila nga si Tom Rodriguez nga himoon nila kini og best man sa ilang kasal didto sa Amerika sunod tuig. Giingong soud kaayo sa duha si Tom.

Direktor sa Nuwebe nakapuntos

Ang direktor sa indie film nga  si  Joseph Israel Laban nakabaton og  Honorable Mention, Director Narrative Feature award sa  4th Queens World Film Festival didto sa  New York. Gibidahan kini nila ni  Jake Cuenca ug  Barbara Miguel kinsa nominado sa nagkadaiyang acting categories apan wala makadaug sa maong film fest.

Wala'y apil

Gipadayag ni Governor ER Ejercito  nga wala siya'y kalabotan sa birada sa iyang publicist nga si  Jobert Sucaldito ngadto sa Philippine Movie Press Club (PMPC) nga matud pa dunay binayranay nga nahitabo sa kadaugan ni Vice Ganda pagka-best actor sa Star Awards for Movies.

Rich molihay na sa pageant

Gibutyag ni Rich Asuncion nga wala na siya'y plano nga mosalmot pagbalik og indigay sa kaanyag gumikan kay ganahan siya mo-focus sa iyang acting career. Kahinumduman nga nahimong first runner-up si Rich sa Binibining Pilipinas.

Ginadili ang artista

Barugan ni Cristine Reyes ang iyang lenggua niadto nga matud pa nga maglikay una siya nga makauyab og artista. Nalingaw ra si Cristine karon sa panaghigalaay nila sa iyang ex-boyfriend nga si Rayver Cruz.  

Pasalig ni Julia

Gipadayag ni Julia Barretto nga bisan bida siya  sa seryeng Mirabella , daghan pa gyud siya og angayan nga mahibaw-an sa pag-arte ug nagmalaumon siya nga makat-on niini .Dakong hagit kaniya nga mahimong bida sa serye apan ihatag niya ang tanan nga mahimo aron lang gyud magmalampuson ang maong serye.

Hadlok managpa

Giangkon ni Lovi Poe nga kung duna sila'y sinagpaay nga eksena ni Maricel Soriano sa seryeng Dalawang Mrs. Real, seguradong kiwawan gyud siya niini .         "  Parang hindi ko kaya talaga!" nagkatawa nga gipadayag sa Kapuso actress.

Misuway og hikog

Nangayo og  privacy ang pamilya sa komedyanteng TV host nga  si Jose Manalo kalabot sa report nga matud pa misuway og hikog ang anak niya nga dalaga.   Giingong adunay suicide note ang anak ni Jose apan nagdumili na kini sa paghatag og detalye.

Wala nagmahay

Gitataw ni Diego Loyzaga nga wala siya magmahay sa temporaryo niya nga pagbiya sa showbiz. Matud pa niya nga igo ra siya mituman sa tambag sa iyang mga ginikanan nga unahon ang pag-eskwela. Ka-batch ni Diego sa programang Growing Up niadto  sila si Julia Montes, Daniel Padilla ug Kathryn Bernardo.

AI judges naukay ni Malaya

Mihatag og  standing ovation ang mga hurado sa  American Idol ug audience  sa  performance sa Filipino-American finalist nga si Malaya Watson kagahapon sa buntag.

 Giawit ni Watson ang "I Am Changing" ni Jennifer Holliday sa nadungog sa  pelikulang "Dreamgirls". Gibase sa  tema nga  "Songs from the Cinema" ang gipanganta sa finalists karong semanaha.

Nahimuot  pag-ayo sa tingog ni Watson ang mga hurado nga sila si  Jennifer Lopez ug Keith Urban. Gihulagway ni Jennifer nga "killer" ang performance ni Watson gumikan sa kanindot niini.

Samtang ang laing hurado nga si  Harry Connick Jr. nagkanayon nga usa ka belter si Watson ug nahaom gyud ang gipili nga kanta niini.

 "You just showed everybody that there is a big belter," nagkanayon si Connick.

Adunay mga obserbasyon nga nitumaw nga dili basta-basta ang awit nga  "I Am Changing" gumikan sa kataas niini.

Meteor  Garden ibalik sa ere

Ibalik sa  ABS-CBN sa dili madugay  ang  Taiwanese drama series nga  "Meteor Garden" ug tipik kini sa pagsaulog sa maong network   sa  ilang 10th anniversary sa pagpasalida og  mga serye nga gikan sa nagkalain-laing dapit sa Asya.

Gipasalida sa Kapamilya Network ang Meteor Garden niadtong 2003 ug ni-click dayon kini sa masa. Makadaghan na usab nga higayon nga gi-replay ang maong serye gumikan sa kakusog niini.

Gibitoonan kini ni  Barbie Hsu ug sa mga sakop sa grupong F4 nga sila si  Jerry Yan, Vic Zhou, Vanness Wu ug  Ken Chu. Nasayran nga bisan nahuman na ang maong serye, padayon nga nisikat ang  F4 ug naka-release kini og tulo ka mga studio album.

Kahinumduman nga makabungog nga ratings ang nakuha sa  "Meteor Garden"  niadto ug dunay mga higayon nga niabot kini og 50%.

Istorya kini sa usa ka  kabos nga babaye nga ginganlan og Shan Chai (Hsu) nga nisuway pagtungha sa usa ka mahalon nga unibersidad. Hangtud nga naila-ila niya sila si Dao Ming Si (Jerry Yan), Hua Ze Lei (Vic Zhou), Mei Zuo (Vanness Wu) ug  Xi Men (Ken Chu) nga  puros mga adunahan. Usa sa gipistahan nga anggulo sa maong serye mao ang pagka-develop ni Dao Ming Si ngadto kang Shan Chai.

Jobert ngadto sa PMPC:

Kiha lang mo!

Gihagit ni Jobert Sucaldito ang Philippine Movie Press Club (PMPC) nga ikiha siya gumikan sa iyang rebelasyon nga matud pa dunay binayranay nga nahitabo sa 30th PMPC Star Awards for Movies.

Una nga gipadayag ni Jobert nga nasagmuyo siya sa dihang wala makadaug ang iyang alaga nga si Governor ER Ejercito nga namayad man unta siya og voting members ug nasorpresa siya sa kadaugan ni Vice Ganda pagka-best actor.

Ug nasayod na lang siya nga dunay usa ka sakop sa PMPC ang nangusog nga makadaug si Vice ug nipagawas usab kini og kuwarta.

"I challenge them to sue me para maglabasan lahat, para doon na sila tuluyang mawasak.Yon ang gusto ko nga, e. I even expected that they'll go that far.Kapag ginawa nila 'yan, wasak talaga sila dahil hawak ko ang ebidensiya ko," suma pa ni Jobert sa dihang nahinabi sa PEP.ph (Philippine Entertainment Portal).

Matud pa ni Jobert nga nagkatawa na lang siya sa dihang nabasa niya ang statement sa PMPC nga hugtanong mihimakak sa maong isyu.

"Ang comment ko lang, siguro habang isinusulat nila, kinu-compose nila ang kanilang official statement, for sure ang mga balahibo nila at pati sa kili-kili nila ay nagtayuan dahil sa kahihiyan, because they know they're composing a lie," matud pa ni Jobert.

Matud pa niya nga iyaha gyud nga barugan ang iyang gipanulti kalabot sa binayranay ug wala siya mahadlok gumikan kay igo ra siya misulti sa tinuod.

 "Sa mga trumatrabaho ng ganyan, sa mga nagpapabili at nagpapagoyo, this is all for you. It's not just PMPC," dugang pa niya.

  Giklaro ni Jobert nga wala siya'y personal nga pagpangatake sa mga artista, igo ra siya misaway sa sistema sa pagpili og mananaug. Matud  pa niya nga wala siya maglagot kang Vice.

 "Naaawa rin ako kay Vice kasi biktima rin siya.Sabi ko nga, lahat ng artista-singer o aktor-nangangarap naman talagang mag-level up. Normal lang 'yon.Ang problema lang kasi, yung iba nagmamadali.Walang kasalanan si Vice dito, nangarap lang din siya.Hindi naman niya kasalanan 'yan.Ang organisasyon ang may problema kasi nga yung iba diyan, nagbebenta ng boto," saysay pa ni Jobert.