Pagpangandam sa Valentine's Day

CEBU, Philippines - Human sa Sinulog fever, ang katawhan nagpaabot na pud sa adlaw sa kasingkasing o Valentine's Day. Ang uban nalipay kay aduna man sila'y hinigugma anang adlawa, aduna pu'y uban nga naguol kay wa sila’y uyab. Pero mas daghan ang naguol kay basin makagasto og dakong kantidad karun Valentine's day.

Hinuon, kung mu-ingun kita og date atol sa maong adlaw, kinahanglan romantic ug memorable. Apan, dili na angayan nga mogasto pa og dako ang pagselebrar sa inyung Valentines day. Ang importante nga imong napakita ang tinud-anay nimo nga gugma sa imohang partner. Puwes, akong ipaambit kaninyo ang tips aron dili na mogasto og dako sa Valentine's day. 

Mosayo lang ko og hatag og tips, aron duna’y mo'y igong panahon sa pagsunod sa akong mga sugyot.

1. Atong klaruhon nga ang gugma walay koneksyon sa mahalong butang o ba kaha pagkaon, apan ang tiunay nga gugma mapakita pinaagi sa oras, atensyon, ug appreciation gikan sa imong partner, ug kini dili mapalit bisa’g asa ug bisa’g pila. Sa higayon nga makasabut mo nga mas bug-at ang oras ug effort sa inyung hinigugma, mas dali ninyo ma-enjoy ang budget sa Valentine’s date.

2. Para sa mga kalalakihan, mas maayo nga dili wagtangon ang tradisyonal nga roses and chocolates. Dili na importante ang kantidad niini, okay ra man ang barato nga buwak ug chocolate. Apili pud og card nga adunay mensahe gikan nimo (boy) kay for sure,  sa panahon karun , ang mga girlfriends wa ma anad nga muhatag ang ilang uyab og  romantic card, magpalahi sad ta panagsa. Para sa mga kababainhan, mahimo ra nimo palitan ang imong boyfriend og paborito niya nga butang, iseguro lang nga dili mahalon. Malipay na man ang boy kung makadawat og butang gikan sa iyang girlfriend ug wala kini maghuna-huna og presyo.

3. Kinsa'y nag ingun ang exchanging gifts sa pasko ra "in"? Karung Valentine's day nindot pud nga idea nga magbaylo-baylo ang mag-partner og gifts o ba kaha ang inyong magbarkada. Pero dili buot pasabut nga kinahanglan mahal ang regalo. Pwede ra mga souvenirs o butang nga makapahinumdom ninyo sa usa'g usa (key holder, gagmay nga figurines ug uban pa.)

4. Ang Valentine's day nindot nga higayon nga inyung hinumdoman inyung ma-anindut nga mga moments together. Paghimu og slideshow nga adunay mga pictures ninyo ug duyugi sa inyung kanta o theme song. Mahimo nimo kini nga i-send sa wall sa iyang Facebook  o ba kaha ipadala pinaagi sa cellphone.

5. Hatagi og oras imung partner. Ang pakigpulong sa imong partner mahitungod sa inyung mga malipayong oras ug mga plano sa umaabot  maoy usa sa mga makapalig-on sa relasyon.

6. Nindot ang paglabing-labing kung busog ang tiyan. Kung adunay gamay nga budget, pwede mangaon sa mga restaurant nga pasok sa imong budget. Arun mas maka-save sa budget, mas maayu kung mag-home dinner date. Luto-i sa imong specialty imong hinigugma .

7. Ang labing importante, ayaw og kalimot og sulti og "I love you" sa imong hinigugma ug ipabatyag kaniya imung gugma ug pag-atiman.

(Madungog si DJ Sexy Rusell sa 95.5 Star FM gikan sa Lunes hangtud sa Sabado sa programang  It's All For You In The Morning /9-11am  ug It's All For You In The Afternoon  /1-3pm)