Angel at Luis nagkabalikan na sa Dubai!

SEEN : Mahigit sa 40 ang bilang ng mga artista ng ABS-CBN ang magtatanghal ngayon sa ASAP Dubai.

SCENE : Ang statement ni Luis Manzano sa presscon ng ASAP Dubai na mahal pa rin niya si Angel Locsin at pormalidad na lang ang kulang sa estado ngayon ng kanilang relasyon.

Performers sa ASAP Dubai sina Angel at Luis.

SEEN : Kinilala ng Kongreso noong Miyerkules ang karangalan na ibinigay sa Pilipinas ng mga beauty queen na sina Mutya Datul (Miss Supranational 2013), Bea Rose Santiago (Miss International 2013/2014), at Miss Universe 3rd runner-up Ariella Arida.

SCENE: Si Sen. Lito Lapid ang author ng commendation para kay Miss International Bea Rose Santiago. Miss International noong 1979 ang ex-girlfriend ni Sen. Lito na si Melanie Marquez.

SEEN: Ang Innamorata ang ipapalit sa timeslot ng Magkano Ba ang Pag-Ibig? na malapit nang magwakas. Bida sa Innamorata si Max Collins.

SCENE: Magiging pang-hapon na tuwing Linggo ang timeslot ng IBilib, ang weekly infotainment show ni Chris Tiu sa GMA 7.

SEEN: “Mall” ang tawag ni Regine Velasquez sa bahay ng kanyang kapatid na si Cacai Mitra. Nakatira sa bahay ng pamilya ni Cacai si Mang Gerry dahil ipinare-renovate nina Regine at Ogie Alcasid ang tahanan nila sa Quezon City.

Stable ang kundisyon ni Mang Gerry, ang ama nina Regine at Cacai.

SCENE: Hiwalay na sina KC Montero at Rhian Ramos pero madalas pa rin ang kanilang pagkikita.