Churva Cristine mitingog na

CEBU, Philippines - Nihangyo si Cristine Reyes sa katawhan nga wala'y angayan pasanginlan sa breakup nila ni Derek Ramsay. Suma pa sa aktres nga dili tinuod nga dunay third party sa ilang panagbuwag Todo suporta ang girlfriend       

Todo suporta ang gihatag ni Kylie Padilla sa concert sa iyang boyfriend nga si Aljur Abrenica sa Music Museum sa miaging gabii.  Suma pa nga sayo kaayo nilugwa si Kylie sa venue sa concert ug nagpamatuod kini nga wala na sila nag-away ni Aljur. Nilantaw usab sa maong concert sila si Andrea Torres, Bettina Carlos, Marco Alcaraz, Jan Manual, Jonalyn Viray, ug  GMA Network executives.

Higala ra gyud!

Giklaro ni Jennylyn Mercado nga bisan magkauban sila og balik ni Mark Herras sa usa ka serye sa GMA-7, wala nagpasabot nga magbalik ang nabungkag nila nga relasyon niadto. Suma pa ni Jen nga kontento na siya sa panaghigalaay nila ni Mark.

2015 ang target

Gibutyag ni Winwyn Marquez nga sa 2015 pa siya mosalmot og Binibining Pilipinas. Gusto sa aktres nga maka-focus sa kasamtangan niya nga kontrata sa GMA-7.

Paulo aprobado ni Gabby

Gipadayag ni Gabby Concepcion nga wala siya'y pagsupak kung si Paulo Avelino maoy makadayon sa iyang anak nga si KC Concepcion. Suma pa sa aktor nga suportahan ra niya kung unsa ang ikalipay ni KC.

Daniel nagpatabang

 Nanawagan si Daniel Padilla ngadto sa iyang fans nga tabangan ang mga tawo nga nabiktima sa Bagyong Yolanda. Ang inahan niya nga si Karla Estrada motikang usab sa Tacloban aron magdala og donasyon. "Mag ingat kayong lahat," suma pa ni Daniel.

Reality show sa Gutierrez family

Gisekreto pa ni Anabelle Rama kung unsa nga network ipasalida  ang reality show nga i-produce sa Gutierrez family nga It Takes Gutz.  Gipasalig sa pamilyang Guttierez nga malingaw gyud ang katawhan sa maong show.

Megan na-trauma

Makahilak si Miss World 2013 Megan Young kung maghisgot sa iyang kaagi didto sa Haiti kung diin nahugno ang giduaw niya nga orphanage. Suma pa ni Megan nga na-trauma siya sa maong hitabo  apan mapasalamaton siya nga wala'y dautang nahitabo kaniya.

Shalani: Dili ko mabdos!

Gihimakak ni kanhi  Valenzuela Councilor Shalani Soledad ang nitumaw nga mga balita nga matud pa nagsabak siya.  Nagkanayon si Shalani nga dili nila itago sa iyang bana nga si Pasig Rep. Roman Romulo sa higayon nga momabdos siya."We're working on it," suma pa ni Shalani.

Tungod ni Nikki

Gikatahong gibaligya na ni Billy Crawford ang gipalit niya nga yuta sa Alabang nga nahimutang dapit sa balay sa iyang ex-girlfriend nga si Nikki Gil.  Dili ganahan si Billy nga mahuna-hunaan niya permi si Nikki.