Megan nataypan sa pageant experts
CEBU, Philippines - Napanglantawan sa grupo sa mga international pageant expert nga ang pambato sa Pilipinas nga si Megan Young maoy makaangkon sa titulo nga Miss World 2013.
Ang sikat nga pageant website nga GlobalBeauties.com nimantala sa mga pangalan nga naglawig sa pre-pageant activities sa Miss World ug nag-una gyud sa listahan si Megan.
Gituohan nga makatigi og maayo ni Megan mao ang mga pambato sa Brazil ug Spain.
Oh Michelle!
Daghang nahugyaw niining maong hulagway sa sikat nga kanhi volleyball varsity sa De La Salle University nga si Michelle Gumabao dihang gipakita na kini ngadto sa mga sakop sa press sa milabay nga semana. Hulagway kini ni Michelle isip usa sa tulo ka mga bag-ong endorsers sa TOBY’S para sa 35th anniversary celebration sa maong sports apparel store. Kauban ni Michelle isip bag-ong endorsers sila si “Big Game†James Yap ug Azkalz star Neil Etheridge. Misugot si Michelle niining maong hulagway “for art’s sake,†ug gumikan kay bata pa lamang siya sa maong tindahan na matud pa siya mamalit sa iyang mga kinahanglanon.
Gumikan niining maong hulagway naningkamot ang mga taga FHM pagkumbinse kang Michelle aron mu-pose sa nahisgutang men’s magazine, apan subling mibalibad ang maanyag nga dalaga, kinsa commentator na sa nagpadayon nga Shakey’s V League. Gitug-an niya nga kaniadto pa may miduol niya aron mag-FHM apan dili gayud matud pa kini niya buhaton gumikan kay pastor ang iyang amahan, ang kanhi artista ug kongresista nga si Dennis Roldan.
Si Michelle igsuon sa Star Magic talent nga si Marco Gumabao.
- Latest
