Sweet

Mao na ni all over the world mga Sweet Kabutanding… Domingo na! BisChika na! Hugyaw ang akong Labor Day kay trabaho gyud kaayo ang akong beauty ug malipayon kaayo ko sa kahigayonan nga naa koy trabaho pero nahimo kining mas mugyaw kay sa maong raket sa TaiyoYuden Family Day akong nakauban sa entablado sa unang higayon ang Ka Mags ninyo matag Domingo nga si Jonathan “OJ” Cimafranca. Well, dili ko mahibulong nga naukay gyud ang mga dalaga sa maong family day kay gwapo, sakto sa barug kining si Jonathan ug dili lang na ha.  Bisan ang init manggunit sa imong panit, nagpabilin kining humot ug fresh hangtud nahuman ang programa. Ako intawon pwede na ma segregate kay lata na kaayo hahahahhaha! Ganahan ko sa among chemistry the boy next door meets the sweet butanding, kung ako nihatag sa akong walang kamatayang Goodmorning Butanding dance, si Jonathan usa ka makakilig nga kanta ang iyang gasa sa mga nitambong sa family day. Happy mi, happy sila, happy ang tanan nga natapos ang family day. Hangtud sa sunod na pud nato nga panag -uban Oj…unsaon? Hugyaw ang feeling kung imong makatrabaho ang taga laing network, no network war, usa lang ang among goal mao ang muhatag og kalingawan sa mga nitambong. Salamat kay sir Glenn Albutra,  Dandan Menina ug sa ilang events group nga walay kakapoy nga nihatag sa ilang Serbisyo Tinud-anay. Sa mga performers, dancers, ug uban pa. Kamo na gyud!  Kung kalipay ang hisgutan, usa ka maayong  balita nga gipaambit kanako ni Chef Marc Cuizon sa ilang pagbisita sa ikaduhang higayon sa Leyte Pinamudlanon. Kauban ang Cebu Models Society  & Volunteers, ug sa tabang ni Mr. Jeremy Green & Mrs. Charity Orongan Green, ang gipahigayon nga The Good Deed Good Life iSHARE A Book Green Library Projects nahimo kining malampuson.  Kay sa una nilang pagbisita sa maong lugar nga bitbit ang mga pahalipay ( nga atong napatik usab dire sa BisChika ) nakita sa maong grupo nga nagkinanghalan kini og usa ka library. Sa walay pagduhaduha ang grupo ni Chef Marc naghimo og usa ka campaign para matabangan ang maong tribu pinaagi sa pagtukod og bamboo library nga ilang magamit. Ang pito ka pamilya nga adunay 13 ka mga anak, luoy kaayo hunahunaon nga gamay lang kaayo sa ilang mga anak ang nagtungha. Ang uban pang mga bata , mauwaw pa mugawas sa ilang mga balay ug naa lang sa daplin magpahipi. Kasagaran sa ilang mga ginikanan tua sa bukid para magtrabaho, ang mahitabo kasagaran makauban nila ang ilang mga anak matag semana lang. Mo bow na gyud ko sa maong grupo kay ilang gihatagan og higayon nga matagaan og gamay nga kalipay ang tribe sa gamay nilang programa, nagpakaon sila, nakigduwa,nakigbonding sa mga ginikanan sa mga bata, nihataw usab sila sa ilang  sayaw,nanghatag og mga tsinelas,ug siyempre ilang gibuksan ang ilang bamboo library nga bitbit nila ang mga libro gikan sa nakuha nilang donasyon. Mao kini ang bakasyon nga adunay tumong kay nalingaw pa ka, nakatabang pa gyud. Sigon pa ni Chef Marc “Every step with us is a step of hope, a step of care” ug kinahanglan pa sila og dakong suporta nga gikan kanato. Ang gamay nga kalihukan pero dakong kalipay sa atong mga native tribe  sa Pinamudlanon Leyte. Sa katong dunay mga sobra o wala na gamita nga mga libro, activity books o libro para sa mga bata, story books nga pwede pa nila magamit andam kini nila dawaton ug dako kaayo ang kalipay ang imong mahatag.

Para sa inyong mga donasyon, pwede ninyo makontak kining mga numero :

GROUP DETAILS

Chef Mark F. Cuizon
Address: Penthouse-4 LBY suite.,
2568 madre perla street
Vito Cruz extn. Makati
Manila.1009
Tel: 5636140
Mobile: +63916-445-5550
Email add: [email protected]
Facebook: Chef Marc

Cebu  Models  Society  & Volunteers
Vice President MS. Scarlett Dumanglas
Mobile No.:+63995495968
Email. [email protected]

Mr. Jeremy Green & Mrs. Charity Orongan Green
E-mail: [email protected]
[email protected]
Address: 605 A ,La Cittadella Talamban Cebu City 6000
Contact number: 0923-845-6980

Be Blessed and Be A Blessing To Others!