Ticket sa Best Bodies of Summer mapalit na

CEBU, Philippines - Mapalit na sugod karon ang ticket sa gikahinamang Best Bodies of Summer Cebu 2013 runway fashion show contest nga ipahigayon diha sa Montebello Villa Resort poolside garden karong May 26, 6 PM.

Gitawag usab kining maong kompetisyon nga festival of swim wears tungod kay napulo ka mga designers ang magpahugyaw sa ilang mga mugna. Moapil sa ultimate display of resort and beach wears ang mga inilang Dubai ug Cebu-based designers nga sila si Aldwin Guardiana, Brendon Val Cenon, Danny Booc, Dexter Alazas, Kenneth Harrion, Lemuel Rosos, Rey Humberto Villegas, Ryan Dumago, Fashion Institute of Design and Arts Cebu, ug Fashion Institute of the Philippines Cebu. Buot ipasabot nga dili lang lawasay ang basihan sa modaug kun dili ang kinatibuk-ang katakos pagpakita sa kahanas pagdala sa nagkadaiyang sexy outfits. Duha ka mananaug ang pilion sa 14 ka paresan, usa sa male ug usa sa female candidates.

Magpalabwanay sila sa pagdala sa ilang kaugalingon sa napulo ka hugna sa pagrampa.   

Modugang sa paghatag og bulok si 2012 Mr. Manhunt International June Macasaet nga molingkod isip judge ug usa ka beauty queen nga padayon pa ang negosasyon hangtud ning pagsulat. Magsilbi usab kini nga reunion nila ni June ug sa usa ka contestant nga si Charlemagne Umpad sanglit nagkauban sila isip finalists sa Mr. Manhunt Philippines 2012.

 Ang ticket, nga mapalit sa tag-P350, inclusive of cocktail foods and drinks. Kining maong pasundayag usa ka intimate affair ug siguradong sulit ang ibayad. Alang sa ubang mga pangutana kabahin sa show tickets, palihog pagtawag sa 232-9365 o text sa 09228850032 ug 09103052328. (Rich M. Salibay)