Jolo ug Jodi nag-date sa Hongkong

CEBU, Philippines - Human sa kapin usa ka tuig nga pagpakahilum kabahin sa tinuod nilang relasyon, nasigpatan nga nag-date didto sa Hongkong Disneyland sila si Jodi Santa Maria ug Jolo Revilla niining bag-o lang.

Ang hulagway nga gipatik sa http://getitfromboy.net nagpakita nga kauban ni Jodi ug Jolo ang ilang tagsa-tagsa ka mga anak. Si Jodi ang ilang anak sa iyang kanhi bana nga si Pampi Lacson samtang bitbit ni Jolo ang ilang anak ni Grace Adriano.

Absent si Jodi sa Star Magic Ball, ug gituohang ang ilang pagpanuroy didto sa Hongkong Disneyland maoy rason niini.

Kahinumduman nga sa milabay nga tuig pa mibuto ang istorya kabahin sa relasyon nila ni Jodi, apan nagpakahilum ang aktres.

Bisan pa man gani sa mga banat sa sexy star nga si Iwa Moto nga mao karon ang uyab ni Pampi, walay imik ang aktres.

Samtang ang inahan ni Jolo nga si Rep. Lani Mercado-Revilla nga gipangayuan og reaksyon sa usa ka interview niining bag-o lang miingon nga kun siya maoy pagbut-on, ganahan siya nga unahon una sa ilang mga anak ni Senator Bong Revilla ang ilang tagsa-tagsa ka career gumikan kay lisud na ang panahon karon.

Gikatahong target ni Jolo ang mapili nga bise gobernador sa Cavite sa piniliay sunod tuig.