Best in Emote!

CEBU, Philippines - Hugyaw nga Dominggo kanatong tanan. Yes! Mao na ni all over the world! Medyo na busy ang inyong Yur's truly gumikan sa Kapuso Night featuring Sangyaw Festival sa Tacloban City sa niaging Biyernes ug Kapuso Mall Show pagka Sabado sa Island City Mall. Ang tibuok detalye sunod Domingo, busa tutok lang sa inyong paboritong Banat News Hugyaw! Karung 8:30 sa buntag tutuki usab ang usa na pud ka hugna sa Let's Fiesta. Kuyugan nato si John Feir para sa usa na pud ka adventure….It's more fun in the Philippines gyud…Love it!

Love it kay bisan busy kaayo si Chef Marc Cuizon gitagaan niya og oras o higayon ang pag guest sa BuenaMano Balita niaging semana para ipaambit ang lamian kaayo nga cupcake nga pwede kaayo himuon bisan ni inday ug dodong. Ang location sa among show kay didto mismo sa bag-ong lokasyon sa Apurado Restaurant sa likod sa Cebu Doctor's Hospital. Hugyaw kini kay mas dako ang lugar ug siyempre kung eat all you can ang imong gusto siguradong sulit gyud kini kay lami ang mga putahi plus ang lechon baboy. Siguradong mabusog gyud ka! Usa sa mga nakapa-bow nako ni Chef Marc kay ang pagtabang sa isigkatawo. Gani, gikan pa sila sa Hilaitan, Guihulngan, Negros Oriental para sa usa ka feeding program ug dili kay kana lang ha, duna pay school supplies, bags ug mga tsinelas. Ang maong kalihukan gisuportahan usab sa pamilyang Apurado especially ni tita Cora Apurado, mga volunteers, kaninyong tanan manghinaut ko nga dili kamo pul-an sa mga nagkinahanglan.

Pero kinsa kini ang aktor nga best in emote? Ang eksena kay mao kini si aktor may ka istorya sa telepono hangtud ni dako ang tingog ug ni lenggua nga nakapadungog sa kasingkasing sa atong BisChikadora. Tungod sa iyang kalagot sa actor, iyang gilabay ang iyang mobile phone, maayo na lang wala naabot sa dagat, naghinuktok ang aktor mga pipila ka minute, nibarug gikuha ang telepono. Nisulod sa kwarto, hola! Paggawas gikan sa kwarto kay best in swimming attire na kaayo ang attire, pagka yummy gyud! Kinsa siya? Buotan, lawas kung lawas ug labaw sa tanan, dili pasaway!

Adele nagsabak

Gikumpirmar sa "Someone Like You" singer nga si Adele nga nagsabak siya ug naghinam-hinam na siya ug ang iyang partner nga si Simon Konecki sa umaabot nila nga anak.

''Im delighted to announce that Simon and I are expecting our first child together. I wanted you to hear the news direct from me, obviously we're over the moon and very excited but please respect our privacy at this precious time. Yours always, Adele," mensahe pa sa singer nga iyang gi-post sa iyang website.

Kahinumduman nga sa sayong bahin karong tuiga nakapalit og bag-ong mansion si Adele sa Sussex, England kung diin iyang gikauban si Simon.

Si Adele maoy nagpasikat sa awit nga Rolling in the Deep ug Chasing Pavements ug gipistahan usab karon ang iyang video karon sa Youtube kung diin duna siya'y version sa sikat nga awit sa Lady Antebellum nga "Need You Now". (Sanden J. Anadia, gikan sa wires)