Nora ug Derek may soap

CEBU, Philippines - Nausab na matud pa ang desisyon sa TV5 nga dili usa muhimo og soap, gumikan kay ang istorya duna silay giplano karon nga teleserye. Suma pa nga ang magbida niini mao sila si Derek Ramsay ug Superstar Nora Aunor. Forbidden ang working title. Wala pay detalye pero siguradong malipay gyud si Derek niini nga ang superstar maoy iyang kauban. Dili nga apil si Ruffa Gutierrez sa maong soap sanglit sa lain siya nga proyekto ibutang.   Samtang malipay gyud ang mga Noranians kun ugaling duha ka pelikula ni Guy ang entry sa MMFF. Ang usa mao ang El Presidente ug ang usa pa mao ang Thy Womb sa direction ni Brillante Mendoza.

Regal may SR&R gihapon

Nausab pud ang desisyon sa Regal Entertainment ug nila ni Mother Lily ug Roselle Monteverde nga katapusan na lang last year sa Metro Manila Film Festival sa Shake, Rattle & Roll. Ang tsika mao nga may SR&R pa gihapon karong tuiga, ang kalainan lang kay si Chito Roño na ang mudirek sa three episodes. Ang tsika pa, ang SR&R 14 lang ang bugtong entry sa Regal Entertainment sa 2012 MMF.

Ogie nakulbaan

May kauban nga OST o Original Soundtrack ang pelikulang Boy Pick Up The Movie, released by Universal Records starting tomorrow. Ang Kape Ka Ba! ang carrier single sa six-track album. June 6, na ang showing sa movie ug dili malikayan nga dili makuyawan si Ogie Alcasid, busa kanunay siya mangutana sa editor ug sa uban pang nakakita sa trailer. Kung may muingon nga kataw-anan, mawagtang ang iyang kulba. “If this movie works, mas gaganahan akong gumawa ng comedy movie. Ang ganda ng naging working relationship namin ni direk Dominic Zapanta,” ni Ogie pa.

Kinahanglang musikat usa

Dili pa himuong pelikula ang It’s Not That Complicated, sequel sa Ligo Na U gumikan kay kinahanglan pa nga pasikaton kini og maayo. Na-best seller sa National Bookstore ang libro ni Eros S. Atalia ug mikita kini dayon og P18k. Pending project pud ni Noel Ferrer isip indie film director ang Kabit ni Lualhati Bautista ug Not Just Friends ni Jerry Gracio. Busa ang Intoy Shokoy ug ubang films sa Cinemalaya usa maoy i-promote. Nitz Miralles/PS