Tinuod ang tsismis ni comedian ug dancer?

Mao na ni all over the world! Hugyaw nga Domingo kanatong tanan mga Ka Tribung BisChikadora. NaHugyaw ko sa panahon karun kay kalit lang moinit unya mouwan ang ending basin parehas mo nako gidakop sa ubo ug sip-on. Apan anaa kita’y solusyon niana: ang pag inom og daghang tubig, pahuway ug magpaugnat sa kusog. Mao nga malipayon kaayo ang inyong Yur’s truly nga bisan medyo busy ko sa akong trabaho ako gitagaan og panahon ang pagpasingot bisan usa ka oras. Nindot man gud ang feeling nga maka exercise ka bisan og walking unya mag-jogging pakapinan nimo og sayaw- stress free! Mao na ni all over the world!

Pero sa miaging semana medyo na stress lang ko gamay kay sa unang higayon diri nako gitugyan ang usa ka assignment, ang pagshoot sa usa ka dakong star sa GMA7 nga si Richard Gutierrez para sa Summer I.D. sa GMA. Gumikan kay dinhi si Richard sa Sugbo atong panahona kuhaan namo ang iyang parte sa Summer I.D. Tuod man, pagkagabii palang nagtext nako ni Tita Annabelle (feeling close?), para sa among himuon. Pipila lang ka minuto nanawag na dayon nako si Tita Annabelle ug gisultian ko sa mga buhaton. Hugyaw ra kay nagbinisaya gyud mi. Pagkaugma, tungod na stress ko ( naa pud ipahigayon nga Kapuso Mall Show ), sayo kaayo mi migikan sa akong team para di ma-late sa shoot namo ni RG ingon bitaw nila mas maayo pa nga ikaw maghuwat kaysa ang big star maghuwat nimo. Kalooy sa Ginoo maayo ang resulta sa among trabaho nga nigawas dayon sa Party Pilipinas pagkasunod adlaw. Mapasalamaton ko ni Tita Annabelle nga very supportive pud kaayo siya.

Pagkahapon niana, ang Kapuso Mall Show sa Ayala Center Cebu Activity Center kauban ang mga bituon sa Birita nga si RoseAnn Magan ug Glaiza de Castro, ang cast sa Alice Bungisngis and her Wonder Walis nga si Bea Binene ug Jake Vargas, ug wala nako damha nga makauban nako sa entablado ang banggiitang si German “Kuya Germs” Moreno. Niadtong nagdamgo pa ko nga mamahimong host mag sige pako og tan-aw og That’s Entertainment, busa ang kahigayonan nga nakauban nako si MasterShowman Kuya Germs, dream come true gyud. Daghan ko og nakat-unan niya sa gamay nga panahon nga nagkauban mi, sama sa iyang koneksiyon sa masa nganong nagpabilin ang iyang pagkalig-on. Mao nga niingon ko niya sa wala’y pagduhaduha og: “Kuya Germs salamat kaayo!”

Apan kinsa kining usa ka comedienne/host nga nag-atubang og dakong intriga? Ang BisChika mao kini: Gumikan kay nahalambigit kini sa usa ka dancer karon nagpabilin matud pa kining nagpakahilom, nga nagkapaduda na hinuon gyud nga hayan tinuod ang migawas nga mga tsika. Matud pa sa akong source nga kining host/comedian nilugwa bisan og kadlawong dako sa usa ka rehearsal for a big event nga dunay bitbit nga lafang. Nahugyaw gyud ang tinubdan niining tsika nganong mitunga si host/comedian. Hinungdan nga pagbuto sa tsismis, nakaingon ang source og, “baka totoo ang tsismis Yuri.” Di nalang ko mo detalye pa kay kung kinsa ang naa sa inyong hunahuna mao na to siya! Mao na ni all over the world!