Lady Gaga mobalik sa nasud

CEBU, Philippines - Mobalik si Lady Gaga sa Pilipinas alang sa iyang Born This Way Ball concert karong May 21, 2012 sa SM Mall of Asia Arena ug kini maoy iyang follow-up show human sa iyang malampusong concert dinhi sa nasud niadtong 2009 sa Araneta Coliseum.

Jolo nanghatag og multicab

Usa ka semana nga iselebrar ni Jolo Revilla ang iyang 24th birthday.

Ugma ang iyang birthday apan gisugdan na kagahapon ang mga kalihukan sa Kapitolyo sa Trece Martires kun diin nag-apod apod siya og multicab alang sa Liga sa mga Barangay sa Cavite.

Sa tabang ni Sen. Bong Revilla, nakapalit sila og 23 ka mga multicab alang sa mga barangay.

Sa public service karon nakatutok si Jolo ug temporaryo una niya nga ipadaplin ang lovelife.

Gianugonan usab siya sa naputol nga relasyon nila ni Kris Bernal apan iyang napanglantawan nga maabot ra gyud ang saktong panahon alang kanila.

Annabelle ug Nadia hapit nagbugno?

Gihimakak ni Annabelle Rama ang mikatap nga istorya nga matud pa hapit sila nagbugno ni Nadia Montenegro atol sa ilang hearing sa San Juan Prosecutor’s Office kagahapon sa buntag

Gikatahong misinggit na pud si Annabelle sa dihang nag-atubang sila ni Nadia atubangan sa fiscal.

Nagkanayon si Nadia nga dili niya patulan si Annabelle apan nibalos gihapon kini.

Dugang pa nga gitambagan si Annabelle sa fiscal nga kalmado lang.     Napungot lang gyud si Annabelle kang Nadia sa bakak nga gipanulti niini busa iya kining gisinggitan.

“Tingin mo, kung tinanggap niya ang hamon ko, ano ang mangyari? Tatahimik na lang ako,” suma pa ni Annabelle.