Sari-sari sa Party Pilipinas!
MANILA, Philippines - Sari-sari ang makikita sa Party Pilipinas sa handog nitong I AM PP ngayong Linggo.
Bubuksan para sa inyo ng Party Pilipinas ang isang all-afternoon party kasama ng paborito ninyong mga Kapuso star.
Maging VIP guest ng RnB Prince na haharana sa inyo sa pamamagitan ng kanyang soulful music para sa pagdiriwang ng kanyang kaarawan.
Umindak at pumadyak sa hataw ng Timbaland hits habang magpapakita ng bagong performance ang Sayaw Pilipinas crew kasama ng Drama Princess na si Michelle Madrigal.
Nakakagayuma rin ang mga back-to-back rendition ng mga hindi malilimutang love song na ihahandog ng mga siren at crooner ng Love Party Pilipinas. Pakinggan din si Manilyn Reyes na nakikipagduweto sa prime singer ng show sa isang sing-along.
Mabubusog naman ang inyong mga mata sa mga seksing katawan nina Bianca, Rochelle, LJ, Ryza, Pauleen, at Diana sa kanilang pagsasayaw.
Abangan din ang stars ng Daldalita, Munting Heredera, at Kung Aagawin Mo Ang Langit na kakanta at sasayaw bilang pamamaalam ng kani-kanilang programa.
- Latest
