Kinsay labing utukan ug listo?

CEBU, Philippines - Karong Lunes na gyud sa GMA telebabad magsugod ang Survivor Philippines: Celebrity Doubles Showdown diin gipaabot nga makigtigi kini sa Christmas Special sa ABS-CBN, ang “Ikaw Ay Pag-ibig” diin bida ang mga child wonders nga sila si Zaijan Jaranilla, Louise Abuel, Mutya Orquia ug Xyriel Manabat.

Suma pa nga kining ikaupat nga season sa Survivor diin si Richard Gutierrez maoy mo-host ug didto himoa sa San Vicente, Palawan, maoy labing kontrobersyal, labing puno sa drama ug inutukay.

Kini kay nagkadaiya gayud matud pa ang taras sa mga 20 ka mga celebrity nga nagpares-pares aron pagdaog og P3 million.

Ang mga nagpares didto sa isla mao ang musunod:

BITTER EXES: Kanhi lovers nga sila si Fil-Am radio disk jock ug Party Pilipinas host KC Montero ug vegetarian singer Geneva Cruz;

BEST FRIENDS FOREVER: Startalk host Alyssa Alano ug former Sexbomb dancer Aifha Medina;

THE COUPLE: Sexy siren Ellen Adarna ug iyang uyab nga si Filo Cucueco;

ISLAND DIVAS: Kanhi actress Jackie Forster ug sikat nga radio DJ Angelicopter;

LOVETEAM: That’s Entertainment alumni Chuckie Dreyfus ug Isabel Granada;

MAGPINSANG ASTIG: Celebrity cousins Arthur Solinap ug Carlo Gonzalez;

COMIC DUO: GMA News talents Maey Bautista ug Betong Sumaya;

HOT ITEM: StarStruck alumnus Stef Prescott ug commercial model and actor Gino dela Peña;

RAGING VOLCANOES: Philippine Volcanoes’ Arnold Aninion and John Odulio;

LIKE MOTHER, LIKE DAUGHTER: Former beauty queen-turned-sexy actress Maria Isabel Lopez ug daughter Mara Yokohama

Nakatlan og basol

Nakatlan og basol si Marian Rivera sa taping sa Amaya sa Laguna adtong Miyerkules. Nanlibagha ang panit sa aktres apan padayon gihapon ang ilang taping.

Angel sa Todomaxx

Mulugwa gihapon si Angel Locsin sa Todomaxx ugma puhon sa gabii, isip girlfriend ni Vhong Navarro. Nag-taping siya kagahapon alang niini.

Ang Todamaxx labing bag-ong sitcom sa ABS-CBN nga gibituonan nila ni Vhong, Pokwang, ug Robin Padilla.

Younghusbands Kapatid na

Mipirma og tulo ka tuig nga exclusive contract sa TV5 ang magsuong Phil ug James Younghusband. Dungan niini, namahayag si Phil nga ganahan matud pa siya si Angel Locsin na maoy iyang makauban sa umaabot.

Sige lag paduding

Wala gihapoy kausaban sa relasyon nila ni Enzo Pineda ug Louise delos Reyes. ‘Ganun pa rin kami, super- duper-mega close sa isat-isa” ang paghulagway ni Enzo sa ilang relasyon ni Louise.

Trending topic

Hangtud kagahapon trending topic gihapon sa Twitter si Georgina Wilson ug ang America’s Next Top Model. Naggumikan ni sa kumpirmasyon kagahapon nga mu-guest ang nahisgutang Fil-Brit isip model/ stylist sa umaabot nga episode sa maong reality show ni Tyra Banks.

Marian tua sa Vegas

Milarga si Marian Rivera kagahapon paingon sa Las Vegas aron mutan-aw sa away ni Manny Pacquiao ug Juan Miguel Marquez karong Sabado, November 12 (Domingo sa Pilipinas). Mubalik siya karong November 16, aron ipadayon ang taping sa epicserye Amaya.