Dolphy tulog nang mabalitang namatay na!

SEEN : Ang balita na kumalat kahapon na sumakabilang-buhay si Dolphy.

Hindi na ikinagulat ng kampo ng Comedy King ang maling balita dahil pala­ging natsitsismis na namatay si Dolphy.

Natutulog sa kanilang bahay ang Comedy King nang kumalat ang balita.

SCENE : Kahapon ang 25th birthday ni Rachelle Ann Go.

Loveless si Rachelle sa kanyang birthday.

SEEN : Sina Dra. Vicki Belo at Hayden Kho, Jr. sa Los Angeles International Airport.

Ngayon ang dating sa Pilipinas nina Hayden at Dra. Belo mula sa kanilang business/pleasure trip sa Amerika.

SCENE : Upset si Martin Nievera dahil naiwan niya ang kanyang Ipad2 sa flight niya mula sa Singapore (Philippine Airlines PR105) ngunit hindi ibinalik ng aircraft crew. Nawala ang Ipad2 ni Martin noong Martes.

SEEN : Officially on na sina Gabriel Valenciano at Isabel Oli.

Hindi na dapat i-link si Isabel kay James Yap.

SCENE : Si John Lapus bilang talent scout kahapon sa taping ng Talentadong Pinoy sa SM Skydome.

Si John ang male counterpart ni Eugene Domingo dahil libre siya na lumabas sa mga programa ng ABS-CBN, TV5 at GMA 7.

Hindi apektado si John ng network war.

SEEN : Si Suzette Ranillo sa isang Internet shop sa Greenhills noong Martes.

Wala sa itsura ni Suzette na problemado ito dahil hindi siya gusto ng ibang mga tao na nakapaligid kay Nora Aunor.

SCENE : Hindi na co-host ng Manny Many Prizes si Isabelle Daza.

Walang explanation sa biglang pagkawala ni Isabelle sa game show ni Congressman Manny Pacquiao.