Career ni Cogie isasalba ng Viva

Seen : Si Veronique del Rosario ng Viva Artists Agency ang bagong manager ni Cogie Domingo. Naniniwala si Veronique na maisasalba pa ang matamlay na acting career ni Cogie.

Scene : Isang bagong programa na sisimulan sa June 11 ang ipapalit sa Fantastik, ang ‘pinatay’ na Sunday noontime variety show ng TV5.

Seen : Hindi pa final title ang Love & Lies para sa afternoon drama series nina Dennis Trillo, Alessandra de Rossi at Bianca King. Sentensyada ang original title ng TV project.

Scene : May touch of comedy ang international TV commercial ni Congressman Manny Pacquiao para sa HP mobile phone.

Seen : Naging mahigpit ang security ni Ed Westwick sa mga miyembro ng media na gustong makita ng personal ang Gossip Girl star na naririto sa bansa dahil sa kanyang Penshoppe pictorial. Bumalik na si Ed sa US noong Huwebes nang gabi.

Scene : Ninang sina Marian Rivera at Congresswoman Lucy Torres sa binyag ng panganay na anak ni QC Councilor Alfred Vargas.

 Scene : Walang mababawi ang 12 celebrity investors ng Barrakz Bar & Restaurant sa halos isang milyong piso na isinosyo nila sa bar na biglang isinara. Hindi agad ipinaalam ng management sa mga investor ang pagsasara ng bar.