Sugat sa Guadalupe 2011

CEBU, Philippines -  Ang Archdiocesan Shrine of Our Lady of Guadalupe Parish nangandam na sa pagsaulog sa Semana Santa pinaagi sa buhing paghulagway sa mga kasinatian ni Hesus partikular na sa pagtubos niya sa mga sala sa katawhan nga misampot sa iyang kamatayon sa krus.

Mas makahuluganon ang paglab-as sa kamatayon ug kabanhawan ni Hesus karong tuiga, sanglit magsilbi usab kini isip pamaagi aron makahipos og igong pundo alang sa katukoran sa kombento sa parokya.

Si Monsignor Jose Montecillo, kura paroko sa Shrine of Our Lady of Guadalupe, malaumon nga makalikom og hinabang pinansyal nga sarang ikasugod sa paggasto alang sa pagatukoron nga kombento nga gibanabanang magkantidad og P17 milyones.

Kahinumduman nga sa milabay nga tuig, ang nahipos nga hinabing pinansyal pinaagi sa Sugat sa Guadalupe 2010, maoy gigasto alang sa mas nindot ug mas hamugaway na nga adoration chapel ug sarang ikapasigarbo nga comfort rooms.

Gumikan niini ang mga sakop sa Parish Youth Coordinating Council-Guadalupe subling maghugpong sa paghandum sa Semana Santa alang sa katumanan sa pangindahay sa parokya.

Karong Abril 17, Palm Sunday, ipahigayon ang usa ka parada gikan sa San Nicolas Parish paingon na sa Parokya sa Guadalupe diin isunod dayon ang usa ka passion play.

Duna pu'y partisipasyon niini ang pipila ka banggiitan nga magdudula sa entablado nga nagagikan sa Pardo ug Argao, ubos sa direksyon sa inila na nga personalidad sa dySS Super Radyo nga si Aljin Abaquita.

Karong Abril 24,pagahimuon ang Grand Sugat sa Guadalupe 2011 nga maoy adlaw sa paghandom sa pagkabanhaw ni Hesus.

Sa unang bahin niini, himuon angmusical extravaganza nga dumalaon ni Father Arven Pretilladiin paambitan sa mga local perfomers sama nila Pia Abejo, Cerj Michael, Fidel Cascabel, PYCC Divas Nashrine Erika Casas,Necie Diaz ug Arlene Matunhay ang ilang mga gasa sa pagkanta.

Sundan usab kini sa tradisyonal nga dula kabahin sa pagkabanhaw ni Hesus gikan sa mapait niya nga kamatayon sa krus ug ang ilang panagtagbo sa iyang inahan nga si Maria.

Pagkakaron, wala nay puas ang pagbansay-bansay sa mga kabatan-onan sa parokya alang sa hugyaw nga pasundayag sa nahisgutang mga adlaw nga timaan sa pagtamod sa Semana Santa.

Mariel maka-relate kang Queenie

 Tsika pa ni Mariel Rodriguez nga dali ra kaayo sila nagkasuod sa anak ni Robin Padilla nga si Queenieug nahimuot siya pag-ayo sa dihang nasayran niya nga susama sila og fashion style.

Cesar mentor ni Diego

 Si Cesar Montano maoy mentor sa iyang anak nga siDiego Loyzaga diin siya maoy mohatag og workshop aron mabaid gyud ang abilidad sa pag-arte niini.

Mommy Carol sa TP

Ang inahan ni Judy Ann Santos nga si Carol maoy mobarog isip tsirman sa mga hurado sa special episode sa Talentadong Pinoy sa TV 5 karong gabii .

Christian ug Jonalyn nagpares

 Nagpares sila si Christian Bautista ug Jonalyn Viray sa birthday celebration concert kagabii sa Empire Theater alang kang Princess Sarah nga kapikas sa Crown Prince sa Brunei nga si HRH Al-Muhtadee Billah.

Boy adviser sa Ladlad

 Mapasigarbohong gipahibalo sa chairperson sa grupong Ladlad nga si Bemz Benedito nga ilang Senior Party Adviser sa ilang grupo mao ang sikat nga TV host nga si Boy Abunda.

Vic motikang sa Dos

Gikatakdang mo-guest sa pipila ka mga programa sa ABS-CBN si Vic Sotto aron i-promote ang pelikula nila ni Bea Alonzo nga Pak! Pak! My Dr. Kwak!

Willing Willie mopahuway og duha ka semana

Dili na live ang variety-game show sa TV5 sulod sa duha ka semana ug gitino kini mismo sa host sa maong show nga si Willie Revillame.

"Starting Monday po (April 11) hanggang next week, hanggang Holy Week, pag-iisipan ko po muna nang mabuti kung ako po ay magbabalik pa sa industriyang ito.

"Bigyan n'yo na lang po muna ako ng pagkakataon sa sarili ko, pag-iisipan ko po ito. Masyado po akong pinagbintangan. Maraming nagbintang sa akin nang wala po akong ginagawang masama," nagkanayon si Willie.

Gipadayag ni Willie nga ganahan siya nga mo-relax karong panahona human sa grabeng kontrobersyanga nasugatan sa iyang show partikular na ang pagsaway sa mga tawo kaniya gumikan sa episode kung diin ang bata nga si Janjanmisayaw nga murag macho dancer sa usa ka segment sa Willing Willie.

Pipila sa mga ahensya ang misaway niini nga naglangkob sa Department of Social Welfare and Development (DSWD), Commission on Human Rights (CHR), ug Catholic Bishops Conference of the Philippines (CBCP) .

Giatake usab ni Willie ang pipila ka mga artista nga misaway kaniya. Kini sama nila ni Lea Salonga, Aiza Seguerra, Bianca Gonzales, Jim Paredes, Lea Navarro, Mylene Dizon, Tuesday Vargas, K Brosas ug Agot Isidro.

"Nakagawa ba kayo ng tulong? Anong nagawa nyo? Nagbigay ba kayo sa Bantay Bata ng 1 million? Ung mga taong yan winasak ang pangalan ko sa Twitter.

"May natulungan ba kayong mahirap? Aiza, magpakalalake ka! Agot, wala ka namang anak kung makapacomment ka! Bianca, akala mo kung sino ka na," nagkanayon ang TV host.

Nasakitan usab si Willie sa gipamuhat sa mga kompanya nga mipahunong sa ilang mga advertisementssa iyang show.

"Gusto ko lang ho ulit ipaliwanag sa inyo. 'Yong P&G, Procter & Gamble, ay naglabas ng statement, napakasakit po sa amin.'Yong Inasal, nag-pull out na rin dahil nag-statement sila na, well, katulad ng P&G, Procter & Gamble po... Napakasakit ho ng ginawa nila sa amin," dugang pa sa TV host.