Kim ug Renz nauyonan sa Dos

CEBU, Philippines - Nakadawat og positibong feedback ang tandem nila ni Kim Chiu ug Renz Fernandez sa Your Song Presents Kim busa bukas ang ABS-CBN sa posibleng follow-up project kung diin magpares gihapon ang duha.

Banda nagbaha sa PGT

Kasamtangang gibahaan sa grupo sa mga banda ang Pilipinas Got Talent ug kini naglangkob sa Kidz Band sa Tagum City, Baby Boomers Band sa Davao City, Percurhythmu Band sa Cebu ug Venchan Tribe sa Naga City.

Pakpak Louise!

Napuno sa pagdayeg gikan sa pipila ka mga sakop sa Cebu Entertainment Press ang young Kapuso star nga si Louise Delos Reyes gumikan kay mibulontaryo gyud kini og duol sa press aron makigbeso-beso niadtong Domingo sa Fuente Osmeña.

Fretzie mobanat sa entablado

Ang mga kanhi Pinoy Big Brother Teen housemates nga sila si Fretzie Bercede ug Bret Jackson maoy mga bida sa bongga nga stage play nga Romeo and Juliet nga gidumala sa Seventh Stage Production House nga idirek usab ni Mel Magno.

“Excited na kay ko apan nakulbaan pud gamay kay first time man gud nako nga niapil og stage play,”tsika pa ni Fretzie sa dihang ekslusibo nga nahinabi sa Banat Hugyaw kagahapon.

Dugang pa ni Fretzie nga nisamot ang iyang kakulba sa dihang nasayran niya nga ubay-ubay na ka mga tawo ang nagpareserba na og tickets alang sa maong stage play. 

Suma pa niya nga dili basta-basta ang karakter ni Juliet gumikan kay napuno kini sa emosyon busa dakong hagit alang kaniya ang nahisgutang proyekto.      

Himoon kini sa nagkalain-laing dapit sa nasud sugod sa buwan sa Hulyo hangtud sa Disyembre karong tuiga.

“Tarungon gyud nako ang akong performance, ang gibuhat nako karon kay magsige ko og tan-aw sa movie version sa Romeo and Juliet aron matarong nako og portray ang akong karakter,” dugang pa ni Fretzie.

Gawas niini, nagbaha usab ang iyang mga out-of-town shows busa mapasalamaton siya sa ABS-CBN gumikan kay giatiman pag-ayo ang iyang career.

Wala pa siya masayod kung unsa ang sunod niya nga project sa ABS-CBN apan mitumaw karong tsika nga tagaan gyud og luna sa Kapamilya ang iyang career gumikan kay maayo ang rekord niya sa nangagi niya nga mga TV projects.

Samtang nagpasalamat si Fretzie sa liboan ka mga Solid Fretziecians nga nagpanon sa South Road Properties niadtong Domingo nga miabiba pag-ayo sa iyang dance number sa ASAP Rocks.

Nasayran nga sayo pa lang sa buntag, midagsa na ang mga Fretziecians sa SRP ug bitbit ang mga dagkong placards nga nagpakita sa ilang mainiton nga suporta ngadto kang Fretzie.