Ruffa gustong mag-ala Meryl Streep

Kahapon ang first taping day ni Ruffa Gutierrez para sa bagong dramaserye ng TV5 na Mga Nagbabagang Bulaklak. Gagampanan niya ang role ni Ms. Orchadia, former superstar dancer na CEO na ng network at wife ni Richard Gomez.

Nagpagupit si Ruffa para maiba ang hitsura at para mas may impact ang karakter niyang si Orchadia na bibigyan niya ng sariling atake, pero peg niya si Meryl Streep sa The Devil Wears Prada at karakter sa Lipstick Jungle.

 “Hindi ako mala-Annabelle Rama rito na sinusugod ang mga babae ng husband niya. Tahimik ako, kinakaibigan, at kino-collect ko ang mga kabit ng husband ko, saka ako maghihiganti,” excited na tsika ni Ruffa.

Samantala, masaya na si Ruffa na friends na sila ni Kris Aquino at sina Ogie Alcasid at Regine Velasquez ang pinasalamatan dahil pinagsama silang host ng EDSA concert. Kahit twice na silang nagkita bago ang nasabing event, sa concert sila nakapagtsikahan at happy siyang natapos na ang lahat.

“Sabi ni Kris, matagal na kaming friends at kababawan ang nangyari sa amin. I was very sensitive that time, ’di ko alam may pinagdadaanan din siya. I think that time pareho kaming emotional,” sabi ni Ruffa.

* * *

Nag-premiere kagabi ang weekly late-night make over Fashbook show ni Solenn Heussaff sa GMA News TV. Sa kanyang background bilang model, fashion designer, painter, VJ, at professional makeup artist, naniniwala ang GMA News TV na siya ang perfect host ng show.

 “This is my dream show, but I’m nervous, excited and happy because a lot of people are already inquiring,” sabi ni Solenn.

Fashion icon ni Solenn sina Nicole Richie at Megan Fox. Sexiest woman for her si Iza Calzado at sexiest men sina Colin Farrel, Richard Gutierrez, Tim Yap, at Elmo Magalona.

Paliwanag ng model-actress, “Sexy si Iza for me hindi lang dahil payat siya, she’s also super nice. Sexy for me si Colin Farrel ’cause I like dirty looking men and Elmo ’cause he’s making it on his own.”

* * *

Nasa TV5 na rin si Phillip Salvador dahil kasama siya sa cast ng Mga Nagbabagang Bulaklak at kasama siyang nag-pictorial ng buong cast last Tuesday. Hindi na namin nahintay si Phillip at hindi rin naman siya naka-schedule ipa-interview, kaya hindi namin nalaman ang role niya sa dramaserye.

Akala namin kaya hindi natuloy sa Amaya ng GMA 7 si Phillip ay dahil may kasunod siyang show sa ABS-CBN after Buhawi Jack, ’yun pala sa TV5 siya lilipat.

* * *

Nadagdagan na naman ang 32 talents ng Ro­yale Artists Management ni Annabelle Rama sa pagpasok nina James Blanco at Bearwin Meily. Si Arnold Vegafria ang former manager ni James at si Manny Valera naman ang dating manager ni Bearwin na tapos na ang kontrata sa DMV, kaya lumipat kay Annabelle.