Phil nausab ang huna-huna
CEBU, Philippines - Gipadayag ni Phil Younghusband kaniadto nga ganahan siya mag-artista apan nausab na kini karon human iyang gisaysay kagahapon nga dili na siya interesado nga mosulod sa showbiz gumikan kay wala siya maanad nga makasugat og mga intriga.
Jewel ug Gerald magpares og balik
Malipayong gipahibalo ni Jewel Mische nga human sa seryeng Buhawi Jack, subli sila nga magpares ni Gerald Anderson sa lain na pud nga programa nga giluto karon sa ABS-CBN.
Moymoy Palaboy magpabilin sa GMA
Mi-renew sa ilang kontrata sa GMA-7 ang Youtube sensation nga Moymoy Palaboy busa padayon gihapon sila nga malantawan sa Bubble Gang.
Solenn sa Fashbook
Si Solenn Heusaff maoy host sa makeover show on GMA News TV nga Fashbook nga makita matag Miyerkules sa alas 10:00 sa gabii.
Sakyanan ni Jen nakit-an na
Narekober na sa kapulisan sa Quezon City ang L-300 delivery van ni Jen Rosendall kinsa gikawat sa wala pa mailhing mga tawo sa milabay nga adlaw.
Wilma ganahan magnegosyo
Nagplano si Wilma Doesnt nga magnegosyo puhon og restaurant ug kaabag niya niini ang iyang 26 anyos nga non-showbiz boyfriend kinsa kasamtangang nagtungha sa usa ka culinary arts school.
- Latest
