Balitang Bisdak vs. TV Patrol

CEBU, Philippines - VATSKI: Happy New Year kanatong tanan! Kanimo pud, Gar. Nanghinaot ko nga di naka magpasaway karong tuig sa rabbit. Anyway, speaking of pasaway, unsa man ning giyawit ni Atty. Haide Acuña (sa back-to-back feature sa Hugyaw sa duha ka women anchors sa Sugbo, niadtong January 3), nga number one kuno ang TV Patrol Central Visayas ug hasta ang iyang mga “GMA friends” moadmit sab ani? Hmmm ana na diay na ron? Siguro naay panahon nga numero uno ang maong news program, pero dili sa tanang higayon.

Sa ratings game gud, magpuli-puli na, kung number one ang TV Patrol rong adlawa, sunod adlaw, posible mo-take over sab sa maong pwesto ang karibal niini, ang Balitang Bisdak sa GMA7. Kay kung kanunay pang number one ang TV Patrol, hagbay ra unta nga nawa sa kahanginan ang Balitang Bisdak. Dugay na nga nagbandera sa pagka-number one ang Bisdak, sa una pa, so kanang giingun ni Atty. Haide, posible sa kanang semanaha ra sila number one. Di sab siguro pataka og angkon si Atty. Rose nga numero uno gyud ang Bisdak sa maong time slot.

GARRY: Happy New Year to all BANATanay readers! Kinsa ang tinuod nga numero UNO!? Kinsa ang gisundan ug gitan-aw sa kinabag-ang duot sa mga Sugbuanon ilabi na sa local nga balita diha sa telebisyon? Daghan gyud mo-angkon nga sila ang nag-una, they can even claim to be on the top of the world, pero kinsa man gyud ang mo-determine nga sila ang Number One? Susama sa uban lisod kaayo itulon sa ilang garbo kung gikan sa No. 1 slot unya dayon-dayon lang maubos ilang ranking. Ang akong matubag ra gyud ana Vatski nga TV Patrol Central Visayas deserves to be Number One, for now! Dako pud baya ang gi-invest ang maong estasyon aron makuptan nila ang titulong Number 1. Nakabisita ko sa GMA 7-Balitang Bisdak studio sa maiging buwan, ug first time nako nga mitan-aw og live news. Thanks to Ms. Suzzane Salva. Wala pa ko makakita sa TV Patrol News Center apan nakatikang nako sa studio sa ABS-local tuig na pud ang milabay. Apan naay dakong kalahian nga angayan usab i-improve ang GMA. Dili nalang ko mo-details kung unsa man kana apan mipasalig man si Ms. Salva nga lots of improvement will be done this year! Let’s see.. Kinahanglan pa molihok ang GMA aron ipasigarbo nila nga sila gayud ang tinud-anay nga numero uno.

VATSKI: Kasabot man ko nga wa-pa gyud nalukop sa GMA ang Cebu, pero sigurado ko ang mga bisdak Balitang Bisdak gyud na pirmi ilang tan-awon kada hapon. Bisag mosuroy pa ka, Gar, kadaghanan gyud sa mga panimalay ug mga establisamento naka-tune in sa Bisdak. Bisan gani diri sa newsroom, Bisdak man. So kung ang survey gibasehan ni Atty. Haide, well, mag-usab-usab man pud na ang survey. Ana man gyud na, dili permanente nga naa ka sa kinatas-an, mao bitaw kanunay na silang naningkamot, kanang duha ka station, nga mapanindot ang ilang mga programa para di malabwan.

GARRY: Yes, survey changes but most of the time, Vatski nag-una man gyud ang ABS-CBN TV Patrol Central Visayas. Nothing against Balitang Bisdak anchors, Kapusong Bobby and Atty. Rose, they are both credible. Pero again, GMA has to work hard and pour out their resources and energy if they are serious sa ilang pakigtigi batok sa ABS-CBN. Kuwang pa.

Congratulations diay ngadto ni Richard Tan ug Jake Saturinas kinsa maoy napili nga president ug vice president sa USC-BHS ’97. Sa milabay’ng Dec. 26, napahigayon ang labing unang USC-BHS class ’97 ang ilang reunion didto sa Agus Hotel, barangay Agus, Lapu-Lapu City. Salamat diay kay nakaapil ko sa maong USC-BHS reunion diin gikan usab ako sa maong eskwelahan from Kindergarten to elementary years.

Pangutana: Kinsa man gyud ang tinuod nga numero uno diha sa inyong kasingkasing? Unsay inyong reaksyon sa deklarasyon ni Atty. Haide Acuña dinhi sa Banat News Hugyaw adtong Lunes nga TV Patrol gyud ang tinuod nga numero uno, ug gani hasta ang iyang Kapuso friends aminado man sa maong kamatuoran? BANAT na pinaagi sa pagpadala sa imong reaksyon lakip na ang imong ngalan ug address ngadto sa: 09176294876. No personal attacks, no below the belt comments ha. Or else dili ma-publish. Ipada ang imong reaksyon sa dili pa ang alas tres (3p.m., January 10), karong hapon.