Kris pinahiga sa putikan
Natulog pala si Kris Aquino sa dressing room nang minsang matulog sa kanilang condo ang ex-hubby nitong si James Yap. Kuwento ng TV host, may karapatan namang dun matulog ang dating asawa dahil conjugal home nila.
Naitsika rin ni Kris na nahirapan din siya sa shooting ng Dalaw dahil pinahiga siya sa putikan at hanggang ’di tumitirik ang araw ay tuluy-tuloy ang kanilang eksena.
Ang Dalaw ang isa sa ipinagmamalaking horror movie ng Queen of All Media.
Puring-puri naman ng aktres ang gumanap na anak niya sa pelikula na si Maliksi Morales dahil sa pagiging propesyonal at magaling ding umarte ng bagets.
Ang Dalaw ay entry sa darating na Metro Manila Film Festival at kasosyo rin dito si Kris bilang producer at ang manager nitong si Deo Endrinal.
* * *
Inamin ni Dolphy sa presscon ng Father Jejemon na magreretiro na talaga siya pero may offer pang dumarating kaya tinatanggap naman niya kaya nauudlot ang plano niyang mamahinga na sa showbiz.
Hanga sa kanya si Zsa Zsa Padilla dahil sa sobrang passion nito for acting.
‘‘Twenty one years na kaming nagsasama pero talagang hanga ako dahil sa pagiging dedicated niyang artista,’’ sabi ng live-in partner ng Comedy King.
Ang Father Jejemon ay mula sa panulat ni Bibeth Orteza at Rhandy Reyes, sa direksyon ni Frank Gray Jr. Ang pelikula ay entry ng RVQ Productions sa Metro Manila Film Festival simula Dec. 25.
* * *
PERSONAL : Pasasalamat kay Butch Raquel ng GMA (PR corporate communications head) dahil sa walang sawang pagsuporta sa Movie Writers Welfare Foundation (MWWF).
- Latest
