John walang konsiderasyon sa nararamdaman ni Shaina

Huwag din nating husgahan ang pag-ayaw ni Jovit Bal­divino na mag-aral sa La Salle. Naalangan kasi siya dahil sosi raw ang eskuwelahang ito at isa lamang siyang probinsiyano na nagkasuwerteng manalo ng pera na ipang­tutus­tos niya sa kanyang pag-aaral ng mechanical engineering.

Kundi pa dahil sa Pilipinas Got Talent, hindi pa niya maipagpapatuloy ang kanyang pag-aaral na nahinto dahilan sa kahirapan.

Madalas ang singing tour ni Jovit, kasama ang ilang Kapamilya artists. Naka­kapag-abroad na siya at nakakapunta sa mga lugar na dati ay nakikita la­mang niya sa mga babasahin at magasin. Umangat na rin ang kanilang buhay. Nang­hi­hi­nayang nga siya na umikli ang pagpapalabas ng Idol na kasama niya ang mga iniidolong sina Sarah Geronimo, Sam Mil­by, at Coco Martin. Looking forward siya na mabig­yan muli ng serye na katulad ng Idol.

* * *

Hindi ko pa nga pala nababati ang mag-asawang Ryan Agoncillo at Judy Ann Santos sa pagsilang ng kanilang anak na si Lucho. Bilib ako kay Juday ha, isa siya sa kakaunting nagno-normal delivery, kara­mihan kasi ay nanganganak via caesarean section.

Suwerte ang baby nila because this early, ang dami nang may plano na ipag-endorse ito ng mga produkto nila. Pero siyempre, kailangan nilang maghintay ng pa­nahon na papayagan na ito ng parents. Kung si Juday magpapahingang pansa­mantala para mabig­yan ng panahon si Lucho at ipag­ka­katiwala ang pagtatrabaho kay Ryan, obvious namang hindi nila agad papayagang mag-commercial ang anak nila. Kung kailan bahala sila. Pero ang sigu­rado, not too soon.

Mukha namang suwerte si Baby Lucho kay Daddy Ryan. Ratsada ang career nito kaya kung gugustuhin ni Juday, puwede na rin siyang mag-retire, in favor of marriage and motherhood.

* * *

Sino nga namang girlfriend ang hindi magseselos kapag nalaman niya na pa­tuloy pa rin na tinatawagan ng boyfriend niya ang ex nito? Lalo na sa kaso nina John Lloyd Cruz at Shaina Magdayao na napaka-controversial nang pinag­daanan bago pa inamin ng aktor ang relasyon nila.

’Tapos heto at malalaman mo na sa halip na mata­pos na ang intriga sa kanila ni Ruffa Gutierrez ay mas lumalala pa dahilan sa patuloy na pakikipag-ug­nayan nito sa dating girlfriend. And we expect Shai­na to take this without a word? Nakapagtataka ba kung komprontahin niya si Lloydie? At bantayan ang bawat kilos nito?

I symphatize with Shaina na dapat talaga putulin na ang ugnayan ng dalawang mag-ex (Lloydie at Ruffa) for her peace of mind. Kahit na gaano pa ka-ino­sente ang komunikasyon nila. John Lloyd, please stop calling and texting Ruffa. Ikaw naman Ruffa, stop answering his calls or texts. Be considerate naman sa feelings ng current girlfriend mo.