Survivor Philippines sunod buwan

CEBU, Philippines - Last week of August isalida sa GMA-7 ang Survivor Philippines Celebrity Edition.

Fretzie sa MMK

Nagsugod na kagahapon si Fretzie Bercede sa taping sa Maalaala Mo Kaya sa ABS-CBN diin iyang ikauban sila si Patrick Sugui ug Rio Locsin. Wala pa’y gikatakda nga petsa ang pagpasalida niini apan nagmalaumon si Fretzie nga suportahan kini sa mga Sugbuanon gumikan kay mao na kini sinugdan sa iyang acting career.

Limitasyon ni Rocco

Gipadayag ni Rocco Nacino nga walay angay kabalak-an ang uyab ni Lovi Poe nga si Ronald Singson sa panag-uban nila karon sa aktres alang sa sunod nga episode sa Lovebug sa GMA-7. “I’m sure, he understands what I’m doing. Kung may message man ako sa special person ni Lovi, I’ll say na he can trust me, kasi I never go over the line. What we have is just we’re good friends. At saka, wala rin akong oras para sa pag-ibig ngayon, sa totoo lang,” nagkanayon ang young actor.

 Top 5 sa Regal

Nagsaulog karon sa ika-50 nga tuig nga anibersaryo ang Regal Films ug gipadayag sa anak ni Mother Lily Monteverde nga si Roselle nga daghang mga artista ang ilang nauyonan kay maayo ikatrabaho. Pero ang Top 5 nga paborito nilang mga artista nga wala gyud naglinabad sa ilang mga proyekto mao sila si Marian Rivera, Dennis Trillo, Dingdong Dantes, Richard Gutierrez ug Angel Locsin. Tsika pa ni Roselle nga bisan wala na kanila si Angel, dili gyud sila kalimot niini gumikan kay maayo gyud ika-trabaho ang aktres.

 Ruffa dili pa andam mahigugma pagbalik

Gikataw-an lang ni Ruffa Gutierrez ang report nga naglambigit sa iyang pangalan ngadto sa dakong opisyal sa Smartmatic nga si Cesar Flores. Matud pa sa TV host nga dili niya pangitaon ang gugma gumikan kay maabot ra kini kung dili damhon. Matud pa niya nga naka-focus siya sa iyang career ug sa    pag-atiman sa iyang mga anak busa dili pa siya interesado nga mosulod og seryosong relasyon.

 Annabelle feel kaayo ang TV 5

Giangkon ni Annabelle Rama nga   gitanyagan siya kaniadto nga malakip sa mga programa sa GMA-7 ug ABS-CBN ug iya kini nga gipangbalibaran apan pag-abot sa TV-5 wala siya nagduha-duha nga mahimong hurado sa reality-based talent search nga Star Factor gumikan kay lahi gyud ang convincing power sa maong network. Host sa maong programa ang anak niya nga si Ruffa Guttierez ug gitambagan pa siya niini nga dili magminaldita kong mohatag og komento ngadto sa mga contestants sa maong show.