Giatngan nga eksena

CEBU, Philippines - Excited na si Anne Curtis sa pelikula nila ni Richard Guttierez nga In Your Eyes diin makauban usab nila si Claudine Barretto. Giingong dunay bongga nga love scene sila si Richard ug Anne sa maong pelikula.

Kapamilyang Bong?

Gihugon-hugon nga human sa eleksyon mobalhin ang Kapuso star si Sen. Bong Revilla sa ABS-CBN.

Beauty and Madness ni Aljur

Gipasalig ni Aljur Abrenica nga daghan ang mahugyaw sa iyang version sa awit nga Beauty and Madness ni Fra Lippo Lippi   ug segurado nga hangpon kini sa iyang mga fans tungod sa bugnaw niya nga tingog.

Pustaanay ang show

Nagpustaanay sila si Anabelle Rama ug Mother Lily Monteverde og P100,000 sa ilang mga manok pagka-presidente sa umaabot nga eleksyon. Si Gibo Teodoro maoy kandidato ni Anabelle samtang si Sen. Noynoy Aquino maoy manok ni Mother Lily.

Duha ka proyekto gibalibaran ni Amy

Miatras si Amy Austria sa duha ka proyekto nga gitanyag kaniya sa ABS-CBN gumikan kay kinahanglan niya nga kuyogan ang iyang anak nga si Alex kinsa gikatakdang motungha sa New Zealand.

Bianca ug Aljur uyab

Tungod sa seryeng The Last Prince, gikataho nga si Bianca King na ang bag-ong girlfriend ni Aljur Abrenica ug dili na si Rich Asuncion. (Sanden J. Anadia)

AlKris July na lang kutob

Bisan og gipahibawo na nga buwagon na ang AlkRis human sa The Last Prince tungod kay ipares na si Aljur Abrenica kang Rhian Ramos, dili pa angay mabalaka ang mga fans sa duruha.

Kini tungod kay gipahibawo ni Kris Bernal ngadto sa Pang-Masa nga extended pa ang ilang pantaserye nga The Last Prince sa GMA-7, hangtud sa second week of July.

Dinhi giangkon pud ni Kris nga naglisud siya sa iyang role karon sa nahisgutang pantaserye diin duha ka buok ang iyang character—bida nga si Lara ug ang kontrabida nga si Banawa. Pero okay lang kini kang Kris tungod kay dugay ra siyang nangandoy og kontrabida role.

Giangkon pud niya nga naguol siya nga magbuwag na sila ni Aljur isip loveteam tungod kay tulo sila ka tuig nga nag-uban, pero sayod matud pa silang duruha nga muabot gyud ang adlaw nga dili na sila maoy magpares.

Nasayran nga may-tanyag nga episode ang romantic-comedy project sa GMA-7 nga  “Love Bug” diin mag-cruise sila ni Daniel Matsunaga sa Singapore , pero wala pa siya makakuha og schedule para sa tulo ka adlaw nga taping niini.