Tom Mott artista na gyud

CEBU, Philippines - Pwes, artista na gyud ang PBB Double Up ex-housemate nga si Tom Mott. Co-star siya nila ni Cristine Reyes ug Jake Cuenca sa Cheating Hearts.

Claudine fan ni Darna

Fan diay kaayo si Claudine Barretto sa Darna sa GMA-7. Apil ang iyang bana nga si Raymart Santiago sa maong pantaserye.

Isalida og balik

Subling isalida sa mga sinehan ang Ded Na Si Lolo sa December 2 . Ang Ded Na Si Lolo ang surprise hit movie nga lakip sa Sine Direk Festival ug pambato sa Oscars.

Magbaha ang ABS-CBN stars

Karong gabii ang PMPC Star Awards for TV sa Grand Theater sa Pagcor Parañaque Mga artista sa Dos ang mga performer.

Lami ra mo Binoe

Daghan ang nakadayeg nila ni Robin Padilla ug sa iyang ex-wife nga si Liezel Sicangco nga nagpabilin nga managhigala tungod sa ilang anak.

Career move ni LJ

Tataw nga career move ni LJ Reyes ang iyang pagpa-sexy isip cover girl sa December edition sa FHM aron mu-alegre ang makabungog nga kahilom sa iyang career.

JC de Vera leading man ni Juday!

Mahinayon na gyud ang panagpares nila ni Judy Ann Santos ug JC de Vera nga una untang giplano pinaagi sa Habang May Buhay serye sa aktres sa ABS-CBN. Tsika nga nasagap sa PSN, si JC maoy leading man ni Juday sa Judy Ann-Sarah Geronimo movie sa Viva Films.

Zoren magpabilin sa GMA-7

Gihimakak ni Manny Valera, manager ni Zoren Legaspi ang taho nga mubalhin sa ABS-CBN ang actor. Niya pa dunay bag-ong offer ang GMA-7 nga usa ka soap nga himuon sa aktor sunod tuig.

Dili na mahinayon  ang Miss X

Tungod sa eskandalo nga nalambigitan ni Katrina Halili dili na ipadayon sa Octoarts Films ang remake sa Miss X unta nga pelikula ni Vilma Santos kaniadto.

Angelika excited  sa kasal

Magtambayayong ang Startalk ug Showbiz Central sa coverage sa church wedding nila ni Angelika dela Cruz ug Orion Casareo sa Tagaytay City karong December 4. Dunay special participation ang ilang anak busa excited ang aktres.

Perfume for Robin

Favorite perfume ni Robin Padilla ang birthday gift ni Liezl Sicangco sa iyang ex-husband niadtong November 23. Pinangita karon si Liezl sa mga reporters tungod kay buot nilang ma-interview ang nahisgutan human mabaniog nga duha na diay sila ka tuig nga nagbuwag ni Binoe.

Indie film ang tirada

Giangkon ni Rhian Ramos nga mingawon gyud siya sa iyang leading man sa Stairway To Heaven nga si Dingdong Dantes. Mahuman ang maong serye karong December 11 busa mo-concentrate na pud si Rhian sa iyang album ug sa duha niya ka indie-film .

Glaiza layo og maabtan

Saludo si Jean Garcia kang Glaiza de Castro gumikan kay maayo kini modala isip Eunice sa Stairway to Heaven busa iyang gipanglantawan nga layo ang maabtan niini.

Kimmy Dora 2 gihikay na

Gisugdan na karon og hikay ang Kimmy Dora Part 2 nga bidahan gihapon sa sikat nga komediyante nga si Eugene Domingo . Si Joyce Bernal gihapon ang modirek niini.

Gina motingog og usab

Subling motingog si Gina Alajar karong hapon sa Showbiz Central aron motin-aw sa iyang pangalan sa mitumaw karon nga kagubot sa “Pacman-Krista issue” . Kahinumduman nga mipasumbingay si Gina sa iyang Facebook account hinungdan nga midako ang isyu .

“Lola Bey”

Giangkon ni Bea Alonzo nga tawgon siya og “Lola Bey” sa iyang showbiz friends gumikan kay di siya hilig og laag .

Charice ka-level na ni Beyonce

Si Charice Pempengco maoy latest endorser sa mahalon og sikat nga Sennheiser microphone nga hinimo sa Germany. Ang maong brand sa microphone kay mao usab ang giindorsar nila ni Beyonce, Nelly Furtado, Avril Lavigne, Rihanna ug Celine Dion.

Aduna kini 2,300 crystals ug moabot ngadto sa $999 ang kantidad niini (P47,000). (Sanden J. Anadia)