Dyesebel mapapanood na rin sa Singapore!
MANILA, Philippines - Ang hit na hit na primetime program noong 2008 at kuwento ng kauna-unahang sirena na pumukaw sa puso ng mga Pinoy — ang Dyesebel — ay nasa Malaysia na simula nung Lunes, Nobyembre 9 at malapit na ring mapanood sa Singapore.
Ang Dyesebel, na orihinal na likha ni Mars Ravelo para sa komiks noong dekada 50, ay naging sikat sa mga nagdaang panahon bilang pelikula at muling pinasikat ng GMA Network bilang isang TV series noong 2008.
Tampok rito ang isang powerhouse cast na pinangungunahan ng most sought after loveteam sa Pilipinas na sina Dingdong Dantes bilang Fredo at Marian Rivera bilang Dyesebel. Isang makulay na kuwento ng buhay at pag-ibig ang hatid ng Dyesebel na siguradong kagigiliwan ng mga manonood saan mang bahagi ng mundo.
Mapapanood naman sa Singapore ang Dyesebel sa Astro Ria channel ng Singtel Mio TV sa first quarter ng taong 2010. Ang pagsasahimpapawid ng Dyesebel sa ibang bansa ay hatid nang pinagsanib na pagtutulungan ng GMA International at GMA Worldwide.
- Latest
