Tayong Dalawa finale, hugyaw ra

CEBU, Philippines -  Gipasalig ni Jake Cuenca nga dili gyud magmahay ang mga fans sa Tayong Dalawa sa grand finale niini kay niya pa, gipahaom gyud ngadto sa tanang habig ang katapusan. Niya pa malipay ra ang supporters ni Ingrid (Agot Isidro), Marlen (Cherrie Pie Picache) Jr (Gerald Anderson) Audrey (Kim Chiu) ug ni Dave.

Tambag ni Kris gisalikway ni Noynoy

Gi-kumbinse karon ni Kris Aquino ang iyang igsuon nga si Sen. Benigno “Noynoy” Aquino III nga mopaubos sa Mesoscalp treatment aron malikayan sa pagkaminos sa iyang buhok. Pero mibalibad ang senador niini.

Mel Pulmano dakpon na

Gibutyag sa talent manager nga si Becky Aguila ngadto sa PangMasa  nga na-release na ang warrant of arrest alang sa kanhi niya employee nga si Rowena “Mel” Pulmano ug posibleng ma-serve na kini karong adlawa. Kahinumduman nga gipasakaan ni Jennylyn Mercado   og Qualified Theft si Mel sa Regional Trial Court ug nagmadaugon ang aktres.

Katorse naglawig

Matud pa nga padayong mi-arangkada sa ratings karon ang Katorse nga gibidahan ni Erich Gonzales, hinungdan nga ganado karon sa pagtrabaho ang mga young stars nga sila si Xian Lim, Enchong Dee, Ejay Falcon ug Erich Gonzales.

Rufa Mae kever sa sorry ni Mo

Bisan nangayo na og pasaylo si DJ Mo Twister kang Rufa Mae Quinto, gisapot gihapon ang sexy star sa iyang kauban. Sa radio program nga Wow Ang Showbiz ni Ogie Diaz kagahapon, gipadayag sa aktres nga sige na lang og pasakit niya si Mo, mangayo og pasaylo, unya damtan og pila ka buwan maghimo na pod og isyu batok niya. Minaldita pang pamahayag ni Rufa Mae mao nga angay nga atimanon ni Mo ang iyang anak nga babaye nga dunay sakit, kaysa siya maoy bantayan.

Korina nakapili na og simbahan

Nakapili na si Korina Sanchez og simbahan kung diin ipahigayon ang kasal nila ni Sen. Manuel “Mar” Roxas II karong October 23 . Sa Sto. Domingo Church sa Quezon City himoon ang nahisgutang seremonya ubos sa direksiyon ni Johnny Manahan.