Dingdong napi-pressure sa mataas na rating ng Darna
Ayaw tanggapin ng marami ang dahilan ni Charice kung kaya hindi niya nasipot ang ilang programa ng Dos nung Sabado. Paliwanag ng international singer na dumating naman siya pero dahil sa sobrang traffic kung kaya na-late siya - tapos na ang programa nang dumating siya.
Bagaman at gusto ko rin siyang bigyan ng benefit of the doubt, bilang isang international star dapat alam niya kung paano i-manage ang time niya.
Since malayo ang bahay niya, dapat ay gumagayak ng maaga para hindi siya nahuhuli sa pupuntahan niya. Mortal sin sa mga katulad niya ang hindi nasisipot ang commitment niya. At hindi ko siya iniintriga, nagpapayo lamang.
* * *
Ang bait naman ni Dr. Manny Calayan para saklolohan ang singer na si Selina Sevilla at mag-offer na operahan itong muli para tanggalin ang silicon na inilagay sa kanyang butt ng isang doktor na ang pangunahing layunin ay pagandahin ang korte nito pero sa halip ay nabulok ang bahaging pinaglagyan nito.
May kamahalan ang halagang kakailanganin ng singer para maibalik sa normal ang kanyang butt kaya malaki ang pasasalamat niya sa pagmamagandang loob ni Doc Manny.
Payo lang sa mga gustong magpa-enhance ng anumang bahagi ng kanilang katawan. Pumunta kayo sa mapagkakatiwalaang doktor at hindi sa kung sinu-sino lamang para sa mga ganitong serbisyo.
Nasayang na ang pera n’yo, nalagay pa sa panganib ang buhay ninyo.
* * *
Gagawin ni Dingdong Dantes ang lahat para mapaganda ang portrayal niya kay Cholo sa gagawing adaptation ng GMA 7 ng Koreanovelang Stairway to Heaven na kung saan si Jodi ay gagampanan naman ni Rhian Ramos.
Kakailanganin niyang mag-aral tumugtog ng piano at kahit kakailanganin niya ng hindi kakaunting oras para matuto nito, gagawin niya.
Sa ayaw at sa gusto niya, mapi-pressure si Dingdong dahil nag-hit ang Darna ni Marian Rivera nang hindi siya kasama. Dapat lang ay mag-hit din ang Stairway to Heaven kahit wala si Marian.
* * *
Kapag nagsimula nang ipalabas ang Survivor Palau, talagang magiging mas matatag na ang evening line-up ng Siete. Biruin mo, magkakasunod na mapapanood ang Darna, Rosalinda, Adik Sa Yo at madadagdagan pa ng Survivor Philippines.
- Latest
