Next Big Star

CEBU, Philippines - Naghinam-hinam ug gikulbaan na ang Final 6 sa Are You The Next Big Star? sa GMA-7 sanglit live na ang ilang performance karong gabii ug ang tibouk kanta na pud ang ilang awiton. Karon gabii, dunay mahitabo nga showdown tali sa mga girl contestants nga naglangkob nila ni Francheska Farr, Camille Cortez, ug Zyrene Parsad. 

Samtang ang mga boys na usab ang mohataw sa sunod Sabado nga naglangkob nila ni Geoff Taylor, Jay Perillo, ug Alex Santos .Sa August 23 , na ang final showdown niini

Survivor 2 murag “bikini open”

Giingong daghan gyud ang mahugyaw ug makahilak sama sa nahitabo sa entertainment press sa gipahigayong presentation sa Survivor Philippines Palau sa miaging adlaw. Gani usa ka writer ang mikomedya nga mura na kini og   bikini open gumikan kay kasagaran sa mga castaways nagsul-ob og bikini ug puros pa gyud mga hitsuraan. Giingong makahilak ang presentasyon sa castaways kay gipakita kung giunsa nila pagpanamilit sa ilang mga pamilya sa dihang mopaingon na sila sa Palau.

Pia gipaabot

Ugma na sa gabii ang premiere showing sa LOL (Love OnLine) nga gibidahan nila ni Vic Sotto ug sa international commercial model Paula Taylor sa SM Megamall Cinema 10. Puwes, daghan ang nakapangutana kung motikang kaha ang uyab ni Vic nga si Pia Guanio sa maong kalihukan. Nalakip usab sa maong movie sila si Melissa Ricks, Matt Evans, Jose Manalo, ug Ms. Gina Pareño under OctoArts Films.

KC naglibog ni Piolo

Nag-duhaduha si KC Concepcion kung gipanguyaban ba gyud siya ni Piolo Pascual sanglit igo raman kini mipadala og cake ngadto kaniya. Hinoun aminado siya nga nahigugma si Piolo kaniya base sa gihimong rebelasyon sa aktor ngadto sa publiko. Samtang “no comment” si Piolo niini aron di masaypan nga iya kini nga gigamit alang sa promosyon sa Lovers in Paris sa Dos.

Hollywood horror movie hinimo og Pinoy

Na-release na didto sa Hollywood ang horror film nga Frayed nga gi-derek ug sinulat sa usa ka Fil-Am nga si   Norbert Caoili. Si Norbert maoy kanhi Mr. Asia Pacific International 2004 ug ang iyang first feature horror nga Frayed ma-release na usab dinhi sa Pilipinas karong August 25.

Panghinaut ni Piolo

Nanghinaut si Piolo Pasual nga mag-uli na unta sa maayong kabubut-on ang SM Cinema ug Star Cinema. Kung kahinumduman, dunay gi-produce si Piolo nga pelikula nga nag-ulohan og Kimmy Dora diin makita na kini sunod bulan.Ug di usab ikalimod nga Star Cinema talent si Piolo. 

Paolo-Abby break-up way third party

Gikumpirmar ni   Paolo Bediones nga buwag na gyud sila ni Abby Cruz   human sa duha ka tuig nila nga relasyon. Giklaro sa TV host nga way third party sa ilang panagbuwag “It’s really... mutually we agreed upon it na let’s work on the friendship,” matud pa ni Paolo.