Jomari na-crush kang Digby

CEBU, Philippines - Miabot na niadtong Miyerkules sa hapon ang YouTube sensation nga sikat usab nga singer didto sa US nga si Marie Digby. Dunay concert ang singer ugmang adlawa sa NBC Tent sa The Fort, Taguig City nga nag-ulohan og Marie Digby:Live in Manila nga gi-produce sa Fearless Productions ni Jomari Yllana. Nasayran nga crush usab ni Jomari si Marie. “Maganda siya talaga, very pleasing ang personality, very sweet, masarap kausap, she’s actually better in person. Tapos, may height pala, eh,” pagdayeg pa ni Jom ngadto kang Marie.

Maricar kever ra gyud sa eskandalo

Ang kontrobersiyal nga aktres nga si Maricar Reyes maoy cover girl sa August issue sa Metro Magazine.  Tulo ka buwan human mibuto ang sex videos nila ni Dr. Hayden Kho Jr., nagpabilin lang gihapon kini   nga way paki sa maong iskandalo. Niya pa ngadto sa Metro Magazine: “I think everyone should aim to be a survivor.  Everyone should think of themselves as fighters…the only thing to do is to fight and rise above.”

Annabelle mokombate gyud

Gipadayag ni Annabelle Rama mas tuohan pa siya sa mga tawo ikumpara sa testimonya ni Loyrane Pardo (wife ni anhing Norman Pardo). Kay nasugdan naman ang maong kumbate , dili gayud niya kini atrasan.

Advice gikan sa amahan ni Kim Atienza

Tsika pa ni DENR Secretary Lito Atienza nga wa siya’y pagkuwang sa paghatag og advice ngadto sa iyang anak nga si Kim Atienza sa programa niini sa ABS-CBN nga Matanglawin. . “Very dangerous talaga ang pumasok sa poso negro,” matud pa niini.

Paw sa FHM august issue

Ang kanhi Star Circle Quest finalist nga si Paw Diaz maoy cover girl sa August 2009 issue sa FHM. Malipayon ang batan-ong aktres sanglit kutob lang siya sa imahinasyon kaniadto apan karon natuman na gyud ang iyang pangandoy nga mahimong cover girl sa usa ka men’s magazine. 

Glaiza na-touch sa story ni Eva

Giangkon ni Glaiza de Castro nga siya mismo natandog sa istorya ni Eva Castillo. Butyag pa niya nga nakahatag kini og inspirasyon kaniya ilabi na kung maabot ang panahon nga makasugat siya og problema. Si Glaiza maoy midala karon nga young Eva sa SRO Presents The Eva Castillo Story sa GMA-7.

Jolina kapuso gyud!

Di tinoud ang tsismis nga matud pa mobalik na si Jolina Magdangal sa tugkaran sa ABS-CBN. Matud pa sa kampo sa aktres nga imposible ang maong balita sanglit maayo na ang pagkabutang ni Jolina sa GMA-7 uban sa tulo ka mga shows, ang Adik Sa Yo, Dear Friend ug SOP.

Gipaburan?

Dunay mga mikisi-kisi nganong wala malakip isip National Artists sila si Nora Aunor ug Dolphy nga matud pa, kung buot hunahunaon mas haom pa sila kaysa gipasidunggan sama ni direk Carlo J. Caparas. Ang intriga mao nga mga suod ra ni Presidente Gloria Arroyo ang gipasidunggan.

Hadlok malupigan?

Gi-intriga sila si Senators Loren Legarda ug Chiz Escudero nga wala mubutho sa appreciation dinner nga gipasiugdahan sa National Cinema Association of the Philippines sa milabay nga gabii tungod kay dili sila buot nga matabunan ni Senator Bong Revilla. Ang maong kalihukan pasalamat sa pagpasa sa Senado sa Amusement Tax Reduction Law, diin si Revilla ang main author.

Vi loves Mommy D!

Hasta si Governor Vilma Santos nahugyaw gyud diay sa personalidad ni Mommy Dionesia Pacquiao. Suma pa niya ngadto sa ABS-CBN.com:“I love her! I haven’t met her pero in fact parang naging inspirasyon ko siya dito sa In My Life. Yun bang walang pakialam kung anong sasabihin ng iba. Gagawin niya kung anong gusto niyang gawin. Yung kahit anong gusto nyang sabihin sa pamilya niya...I love her! Gusto ko siya.”