Angel walay "word of honor"

CEBU, Philippines – Nahiubos gyud si Mother Lily Monteverde sa pagbalibad ni Angel Locsin nga modala unta isip anak ni Sharon Cuneta sa Mano Po 6 nga entry sa Regal Films sa umaabot nga Metro Manila Film Festival. Nanghinaot si Mother Lily sa email niya ngadto sa PEP, nga makakat-on si Angel unsay pasabot sa “word of honor” gikan ni Sharon. Kahinumduman nga hanap na ang posibilidad nga mahimo ni Angel ang maong pelikula tungod kay under contract man siya sa Star Cinema, diin duna siya’y duha ka pelikula nga himuon.