Belo nahi-balik na

CEBU, Philippines – Nahi-balik na sa Pilipinas si Dra. Vicki Belo. Miabot siya kagahapon sa alas onse sa buntag sakay sa Cathay Pacific Airlines flight CX 901 gikan sa Hong Kong. Tsika sa ABS-CBN.com nga wala na molinya pa si Belo alang sa processing didto sa Ninoy Aquino International Airport (NAIA) immigration counter ug midiretso na kini sa arrival area. Usa ka tawo nga nag-barong ang miuban ni Belo nga dunay airport-issued identification card.  Lakip matud pa si Belo sa pipila lang nga miuna og gawas sa eroplano. Nag-dark blue over-all si Belo, walay make-up ug milikay sa nagpaabot nga mga tigbalita.