Mark Herras ipapareha kay Darna?; Rafael Rosell may bago nang girl

MANILA, Philippines - SEEN: Si Marian Rivera sa korte ng Quezon City kahapon.

Pumunta si Marian sa korte upang suportahan ang GMA Network executive na si Wilma Galvante. Umalis din kaagad si Marian dahil may pictorial pa siya na pupuntahan.

SCENE: Ngayong hapon ang grand launch ng Bench TV commercial ni Richard Gutierrez sa Mall of Asia.

Darating naman si Annabelle Rama upang suportahan ang kanyang anak. Magsasalita uli si Annabelle tungkol sa kaso nila ni Wilma Galvante.

SEEN: Ang taping ng summer episode ng Juicy! ng TV5 sa Boracay Island. Hindi nahirapan ang staff ng Juicy! na maghanap ng mga artista na maiinterbyu dahil sa mga celebrities na nagpunta sa Boracay at kasali sa Goma Cup.

SCENE: Mga guests bukas sa ASAP sina Sharon Cuneta at AiAi delas Alas dahil umpisa na ng promo ng Best Friends Forever (BFF), ang pelikula nila sa Star Cinema.

SEEN: Ang unconfirmed report na si Mark Herras ang makakapareha ni Marian sa Darna.

SCENE: Wanted: New Darna outfit para hindi ikumpara si Marian kay Angel Locsin. Si Marian ang “Remake Queen” dahil mga remakes ang project niya sa TV.

SEEN: Si Rafael Rosell sa coffee shop ng Il Terrazo noong Huwebes ng gabi.

Non-showbiz girl ang kasama ni Rafael na naka-recover na sa break-up nila ng kanyang ex-girlfriend na malapit nang magpakasal sa may-ari ng gym na dating pinupuntahan ng aktor.

SCENE: Magastos ang set ng Hole in the Wall. Hataw sa rating ang game show nina Yaya at Angelina.