Francis M. mitaliwan na

CEBU, Philippines - Nakugang ang kadaghanan sa dihang nabati ang gi-anunsyo ni Vic Sotto sa variety show nga Eat Bulaga nga mitaliwan na ang giilang master rapper Francis Magalona kagahapon sa pangedaron nga 44 anyos.

Mahinumduman nga nagsingabot na ang adlaw sa final stage sa iyang treatment alang sa bone marrow transplant sa sakit nga leukemia. Daghan ang naglaom ug nag-ampo nga magmalampuson ang maong proseso apan gikakugang nalang kini sa iyang pamilya ug mga higala sa industriya sa dihang nasayran nila nga nabugto na ang kinabuhi sa banggiitang rapper. Bisan pa man sa pagtaliwan ni Francis sa sayo’ng panahon, mikulit na siya og kasaysayan sa matag usa ka Pilipinhon sanglit gihimo man siya nga inspirasyon sa kabataan nga mihigugma sa rap music.

Nagsugod sa show business si Francis niadtong 1984 nga unang nilugwa sa pelikulang Bagets 2, ug hinay hinay nga misulod sa industriya sa musika pinaagi sa iyang ilado kaayo nga “Mga kababayan” rap music. Ang maong rap mipukaw sa mga batan-on aron higugmaon ang nasud. Tungod sa maong kampanya, si Francis nagbilin sa nasud og legasiya sa tinuod nga ehemplo sa usa ka bayani nga mihigugma sa iyang kaugalingong nasud bisan pa man sa kalisud nga nahiaguman sa kadaghanan. Naila usab isip photographer, host, producer ug composer ang mitaliwan nga master rapper.

P3M kantidad sa bag ni Annabelle

Gipasigarbo ni Annabelle Rama ang iyang bag nga matud pa branded nga mukabat og halos P3 milyones o $60,000 ug mapalit lamang kong advance ang imong pag-order sa mismong tindahan niini sa Paris, France. 

MMK episode ni Angel, “bakak”

Sayop ug dakong bugalbugal matud pa ang istorya nga gipakita sa MMK starring Angel Locsin niadtong Sabado sa ABS-CBN. Suma pa nga walay agriculture major sa UP Los Banos nga mi-graduate isip summa cum laude sukad niadtong 1980. Dili usab matud pa katuohan nga wala gyud makasulod og trabaho ang letter sender, bisan UP graduate kini.