Katrina-Kris affair way klaro!

Tsika pa ni Katrina Halili nga wala pa sa iyang huna-huna ang pagseryoso kabahin sa gugma gumikan kay basin makasala napud siya pag-usab.

Samtang hangtud karon wala pa gyud matin-aw sa huna-huna sa mga himantayon sa hinungdan sa giingong paghilak ni Katrina sa dressing room sa miaging semana atol sa show sa SOP samtang nakighinabi sa iyang higala nga si Isabel Oli. Ang rasun matud pa sa maong paghilak giingon nga tungod sa ilang panagbuwag sa iyang rumored boyfriend nga si Kris Lawrence nga kusganong gihimakak sa dalagang aktres.

“Unang-una po, wala naman po akong sinabi na kami. Siyempre, nanliligaw yung tao, di ba, and siyempre mabait po siya sa akin at alangan naman na bastusin ko? Yun, walang breakup dahil hindi naman naging kami,” paambit pa sa aktres.

Cebuano mipapitik sa dughan ni Isabel

Aduna’y bag-o nga nag-ibid-ibid karon kang Isabel Oli human sa taud-taud nga pagpahuway sa iyang kasing-kasing. Matud pa nga higala kini sa dalaga dinhi sa Sugbo niadtong hayskol pa lang sila, ug kini mao ang nakapahimuot sa iyang dughan ilabi na kung kini naa sa iyang kiliran. Sa pagkakaron gililong una ni Isabel ang ngalan sa maong lalake nga nakabihag sa iyang kasing-kasing.

Dingdong excited mahimamat ang amahan ni Marian

Andam na si Dingdong Dantes nga makita sa personal ang amahan sa iyang ka love-team nga si Marian Rivera sa nagsingabot nga pag-uli niini dinhi sa nasud karong Abril. Dungag pa ni Dingdong nga excited na siya nga ma-ila-ila ang amahan sa ka-loveteam kung mahatagan og higayon sanglit suod man sila ni Marian.