Nganong imbitado ni Jen si Drei?

Gihimikak sa kontrobersyal nga DJ nga si Drei Felix ang hagbay ra nga mga hungihong nga duna silay relasyon ni Jennelyn Mercado ug siya ang rasun sa panagbuwag sa amahan sa anak niini nga si Patrick Garcia atol sa presscon sa January celebrants sa Star Magic.

Matud pa sa young DJ nga managhigala lang sila ni Jen ug gani sa panahon nga adunay problema sila si Jen ug Patrick, siya ang mamahimong tulay aron mag-uli ang duruha.

Giangkon usab niya nga didto siya atol sa bunyag sa anak ni Jen nga gikahibong sa kadaghanan sanglit ang mga ninong ug ninang lakip na ang manager sa aktres nga si Becky Aguila wala man mulugwa kay wala napahibawo sa maong bunyag.

“May mga DJs din na nandu’n, mga radio friends ang nandu’n. I saw DJs from Max FM, Jam 88.3, so, I mean, huwag naman po nating bigyan ng kahulugan ‘yun kasi unfair du’n sa tao, and unfair din po sa …you know, whatever she’s been going through,” sey pa ni Drei ngadto sa PangMasa.

Dungag pa nga dili tinuod ang gipasiatab ni Mariel Rodriguez nga nakit-an sila niini ni Jen nga nagkuyog sa Shangrila Edsa sanglit nag-inusara siya niadtong panahona ug nakita ni Mariel si Jen og una sa wala pa sila magkatagbo ni dalaga’ng host. Single siya matud pa, ug dugay ra nga walay karelasyon human sa ilang panagbuwag sa kanhi uyab niini nga usa sa mga Jaboom Twins niadtong 2007.

Jake ug Gerald lugwa nas PMA

Giangkon nila ni Jake Cuenca ug Gerald Anderson nga naglisud gyud sila sa ilang nahiaguman nga training isip PMAers ilabi na kay sobra ang ka-tugnaw sa Baguio atol sa ilang shooting sa bag-o nilang serye.

Suma pa sa duruha nga mas naglisud sila atol sa ilahang shooting sanglit dili man mamahimong makun-ot, mukatawa, musiyagit samtang ilang gisul-ob ang uniporme. Dungag pa nga wala silay CAT experience niadto ug maayo nalang gani kay walay pag-duha- duha sila nga gitabangan sa mga opisyal sa PMA (Philippine Military Academy) sa ilang angayan nga buhatun.

Ang “Tayong Dalawa” gisugdan na niadtong Lunes nga gibidahan sa duha uban si Kim Chiu ubos sa ABS CBN primetime bida.

Kian si Christine na pu’y gipunting

Human gibutyag nga duna siya’y gusto kang Bea Alonso, si Christine Reyes nasad ang giibid-ibiran sa ex-PBB housemate nga si Kian Kazemi nga matud pa nagpadala og dozens of white roses ug pizza pie sa dalagang aktres. Matud pa ni Kian ngadto sa PangMasa nagustuhan niya si Christine sanglit gawas sa gwapa ang dalaga, buotan pa gyud kini.

Kahinumduman nga gipadad-an usab ni Kian last year si Bea og flowers nga gipadala pa sa balay mismo sa young actress.

Sa laing bahin, apil si Kian sa Tayong Dalawa, ug sa serye’ng May Bukas Pa uban ang batang si Zaijian Jaranilla.

Sunod nga babaye ni Richard?

Human sa balita nga mi-audition si Carla Abellana— anak sa kanhi matinee idol nga si Rey “ PJ” Abellana,”—usa sa mga leading ladies ni Zorro sa umaabot nga teleserye ni Richard Gutierrez sa GMA-7, mitumaw ang pagduda nga ang dalaga na gyud maoy makuha tungod sa popularidad niini. Ang pangutana sa mga himantayon, andam ba mukuha ang GMA-7 og talent nga susama og dagway ni Marian Rivera? Ang duruha pareho nga Psychology graduate sa De La Salle. - Ryan Mark