Totoy Bato sugdan na gyud

Sugdan na karong semanaha ang taping ni Robin Padilla para sa Totoy Bato sa GMA-7. Perteng training ni Robin ug dako na siyag lawas tungod kay boksidor ang iyang papel. Tipik sa iyang training ang pagtungas sa Mt. Pulag sa Mt. Province nga dunay gihabugon nga 9, 900 feet above sea level. Gitungas ra kini ni Robin sulod sa upat oras

Joross Gamboa mapasalamaton

Mapasalamaton si Joross Gamboa nga gilakip siya sa A Very Special Love tungod kay human sa kalampusan niini apil pud siya sa sequel nga You Changed My Life. Duna siya’y medyo sexy pero horror-suspense nga digital movie kauban ang kontrobersyal nga si Mocha. Giulohan kini og Sumpa. Labaw sa tanang mapasalamaton kaayo si Joross kang Albert Martinez tungod sa acting tips niini samtang nag-taping sila og MMK episode didto sa Beijing nga isalida na karong Sabado.

Derek ug Angelica pambato sa Your Song

Mapasigarbuhon nga gisugilon ni Derek Ramsey ang ilang three-year relationship sa uyab niini nga si Angelica Panginiban nga matud pa niya nga mas nagmabulokon tungod sa gamay nga misteryo nga ilang gihambin.. Second time usab sila nga masud-ong sa ilang mga fans sa Sunday afternoon drama anthology sa ABS-CBN nga Your Song, episode sa buwan sa Pebrero.

Serye ni Juday, Pebrero na lugwa

Usa na ka tuig ang gidagan alang preparasyon sa bag-o nga serye ni Judy Ann Santos ubos sa ABS CBN nga giuloha’ng Habang May Buhay nga magsugod sa hinapos sa Pebrero karong tuiga. Ang maong serye maghulagway sa kinabuhi sa mga nurses around the world nga adunay mga eksena’ng gikuhaan pa sa San Francisco, California uban si Derek Ramsey.