Jewel gisiko ni Bubbles; Bianca ug Chynna apil pod

Ang kanhi “StarStruck 4” winner diay nga si Jewel Mische ang gipasabot sa usa ka blind item, nga matud pa gisiko sa usa ka aktres nga ginganlan pod nga si Bubbles Paraiso. Nag-deny na si Bubbles niini ug miingon nga dili sila friends ni Jewel pero dili pod sila kontra.

Pero matud pa sa nasagap nga tsika sa PangMasa apil pod sa maong isyu sila si Bianca King ug Chynna Ortaleza kay matod pa dunay gibuhat nila ang Jewel.

Pwes ang pangutana: Unsay sala ni Jewel nga ila man kining gitabangan og away? Gikontak sa PangMasa si Jewel apan wala kini mutubag.

Lengua ni Nadia gitubag ni Gretchen

Imposible na kaayo karon nga magkauli pagbalik sa maayong kabubut-on sila si Gretchen Barretto ug Nadia Montenegro. Kini gumikan kay mitingog na si Gretchen karon kalabot sa padayag ni Nadia sa usa ka interview nga maayo na lang kay nawala si Gretchen sa iyang kinabuhi.

“Siya pa ngayon ang may ganang magsalita ng ganun, ako na nga ang siniraan niya. Ako pa ang parang pinalalabas niyang bad influence sa kanya, hello!. I did not watch the interview, but my friends called me, nagtataka rin sila kung bakit sinabi niya yun. My friends naman know what really happened, ako siguro, instead na siya, ang puwedeng magsabi na I’m better off without her,” saysay pa ni Gretchen ngadto sa beteranang kolumnista sa PangMasa manay Cristy Fermin.

Pagkakaron, giatiman ni La Greta ang pagtungha sa iyang anak nga si Dominique, kinsa mihukom nga dili na lang mopadayon sa plano nga sa abroad na mo-eskuyla tungod kay nawili sa iyang tinuod nga mga higala.

Ynez balik telebisyon sa Pieta

Aktibo na usab karon sa telebisyon si Ynez Veneracion ug lakip siya karon sa bag-ong soap drama sa ABS-CBN 2 nga Pieta diin modala siya isip higala ni Cherie Gil. Matud pa ni Ynez nga nalipay siya nga nakauban niya si Cherie sa usa ka proyekto kay iya man kini nga gi-idolo.

“Matagal ko na siyang hinahangaan (Cherie Gil) at ngayon ko lang siya nakatrabaho. Iba ang feeling. Nakaka-high!” mapahiyomong padayag ni Ynez ngadto sa PangMasa.

Sa laing bahin, gipadayag ni Ynez nga nagtipon na sila karon sa iyang boyfriend nga si Mon Confiado sa usa ka balay. Gani gibaligya na sa sexy star ang iyang balay sa Pasig nga nagkantidad og P9 million.

Movie pahinungod  ni Daboy sugdan na

Human sa malampusong bakasyon ni Sen. Jinggoy Estrada sa States, atimanon na usab niya karon ang iyang shooting sa filmfest entry sa Maverick Films samtang naka-break pa ang Senado. Ang maong pelikula nag-ulohan og “Magkaibigan”.   Pinaagi sa maong pelikula, iyang mapaambit ang friendship nila ni anhing Rudy Fernandez.  Si Christopher de Leon ang modala isip Rudy ug si Dawn Zulueta ang modala isip Lorna Tolentino. Ug ang modala isip mga anak sa magtiayon mao sila si AJ Perez ug Empress Shuck.  Aduna pu’y special participation sa maong pelikula si Tirso Cruz III ug Bobby Andrews.

Nakamenos sa Gagambino gikataw-an ni Dennis

Gikataw-an lang ni Dennis Trillo ang mga tawo nga miingon nga dili sila makatuo nga dako og natala nga rating ang first week sa “Gagambino.”

Suma pa ni Dennis ngadto sa PangMasa nga nagpasabot lamang ang rating nga daghan ang nakauyon sa maong pantaserye ilabi na ang special effects niini. Dugang pa niya nga daghan pa og angay atangan sa Gagambino.

Samtang nasayran pod sa PangMasa nga dunay negosasyon karon ang kampo ni Dennis tali sa usa ka major record label para sa follow-up album niini. (Sanden J. Anadia)

The Buzz pildi sa Showbiz Central

Pildi matod pa sa Showbiz Central ang The Buzz sa ratings game didto sa Mega Manila niadtong Domingo, bisan pa man og mibalik na si Kris Aquino sa nahisgutang showbiz oriented talk show sa ABS-CBN. Nasayran nga mitala og 12.8 % rating ang Showbiz Central ug 10% ang The Buzz. Suma pa nga mas daghan ang nag-atang sa katin-awan ni Pia Guanio sa taho nga nagpakasal na sila ni Vic Sotto didto sa Las Vegas adtong Hulyo. Gihimakak kini ni Pia.

Kaugmaon ni Jobert naa sa kamot ni Kris

Gitug-an ni Kris Aquino nga siya diay gipabuot ni Ms. Cory Vidanes, production head sa ABS-CBN TV, kung ipabilin ba sa The Buzz o tangtangon lang una sa The Buzz si Jobert Sucaldito. Suma pa ni Kris nga mihukom siya nga ipabilin ang nahisgutan tungod kay kanunay nga gitudlo sa iyang ginikanan niya kaniadto nga kinahanglan nga walay laing tawo nga mawad-an og kabuhian tungod niya. Nakat-on matod pa ni Kris gikan sa iyang amahan nga si Ninoy nga dili maayo nga abusohon ang imong gahom alang sa kaalaotan sa uban.

Richard ug Aljur hapit mag-sumbagay tungod ni Jewel

Gikatahong diriyot magsumbagay sila si Richard Gutierrez ug Aljur Abrenica sa usa ka high-end bar sa Makati City sa milabay nga semana. Gitapik matod pa ni Richard ang ulo ni Aljur. Gituohang nagselos si Richard kang Aljur sanglit kauban sa nauwahi si Jewel Mische niadtong higayona. Kini tungod kay matod pa on and off diay ang relasyon nila ni Richard ug Jewel nga namugna sa ilang panag-uban kaniadto sa Kamandag. Walay buot muluwat og pamahayag kalabot sa maong hitabo.

Lote ni Juday ug Ryan gipa-fengshui

Inanay na nga giatiman nila ni Judy Ann Santos ug Ryan Agoncillo ang mga detalye sa ilang kasal nga wala pa gyuy petsa kanus-a. “Well, the plans right now are broadstrokes. ‘Yung details, we’re filling it up slowly, little by little. Siguro, ang maise-share ko na lang sa ngayon, nagpapa-fengshui na kami ng lote,” ni Ryan pa ngadto sa PangMasa.